Genesis 46:34 - Manobo Sarangani

³⁴ keilangan meg-indan kaw kandin te telediyaga kaw lekat te pegkemengisù niyo, iling te eg-inangen te menge kemonaan niyo gebii. Doun niyan, ipeogpà kaw din doton te Gosen.” Yan se inikagi i Jose diyà kandan, so eglindoan te menge tege Ehipto se telediyaga.

Genesis 46:34 ပူးပေါင်းရင်းမြစ်များ

Genesis 43:32

Tinani se kènanan dan, so sebad se lemisa i Jose, aw sebad se lemisa te menge kedowa din, aw sebad heman se lemisa te menge tege Ehipto kimaen kidoen, so eked keibeg se menge tege Ehipto komaen doma te menge Hebreo, so eglindoan te menge tege Ehipto se menge Hebreo.

Genesis 46:32

Meg-indan a kandin te telediyaga kaw, aw egtonggò kaw te menge ayam-ayam, aw inibing niyo den se kedita te karniro niyo aw menge doma ayam-ayam niyo, aw kedakel te kedònan niyo.

Genesis 37:12

Doen sebad aldaw, nengibing se menge kedowa i Jose te menge ayam-ayam te amay dan doton te Sikem amon ipeloyaw kidoen.

Genesis 45:10

Ipeogpà ta sikiyo dini te Gosen, amon medapag se kedita niyo diyà kanak, pengkey sikona, aw menge batà nikaw, menge apò nikaw, aw menge karniro aw menge kambing, aw menge baka, aw kedita te kedònan nikaw.

Genesis 30:35

Dalem te aldaw sìyan, inabat i Laban se kedita te kambing boling aw doen bolbol migsanged te mepotì pengkey meama aw bayi, aw kedita te karniro meitem, aw impetonggò din iyan te menge batà din meama.

Genesis 34:5

Dinineg i Jacob tepad te pegleges ki Dina, meneng so migtonggò se menge batà din meama te menge ayam-ayam din doton mediyò te balay, yan wedad ininang din lamig minolì dan.

Genesis 13:7

Yan se doun te migbolaw se menge telediyaga i Abram aw menge telediyaga i Lot. (Doen heman menge tege Canaan aw tege Perisi mig-ogpà pa kidoen.)

Genesis 13:8

Yan minikagi si Abram diyà ki Lot, “Eked a keibeg aw megbolaw ki aw megbolaw heman se menge telediyaga ta, so anak ko sikona.

Genesis 26:20

Meneng migpedindilay se menge telediyaga tege Gerara aw menge telediyaga i Isaac, aw minikagi se menge tege Gerara, “Kenami se wayeg sìyan.” Yan se doun te iningedanan i Isaac se sokian sìyan Esek (kelebadan niyan, dindil), so migpedindilay dan kidoen.

Genesis 37:2

Seini se indan-indan tepad te menge batà i Jacob. Nayan, sempolò teg pito se omay i Jose, aw migtelaban sikandin te menge kedowa din kakay migtonggò te menge ayam-ayam te amay dan. Se menge kedowa din, yan se menge batà meama te doma menge esawa te amay din si Bilha aw si Zilfa. Doen medaet eg-inangen te menge kedowa i Jose, aw dimoton sikandin te amay din aw mig-indan diyà kandin tepad kenyan.

Genesis 45:18

amon engayen dan se amay niyo aw menge pamilya dan aw lomikò dan dini. Ipeogpà ko dan diyà te mèpiya tanà dini te Ehipto, aw ontò mèpiya se kànen dan dini.

Genesis 47:3

Mig-insà se selotan diyà kandan, “Eden lay se eg-inangen niyo?” Timaba dan, “Sir, telediyaga kay, iling te eg-inangen te menge kemonaan day gebii.

Genesis 47:4

Dimini kay so ontò medaet se bitil doton te Canaan igsà wedad palos mekaen te menge ayam-ayam day. Aw mepakay diyà kamno, peogpai kay doton te Gosen.”

Genesis 47:6

Sikona se eglowan diyà te kebelad te Ehipto. Peogpai dan doton te Gosen, so yan se ontò mèpiya tanà. Aw doen otaw diyà kandan ontò biyasa egdiyaga, petonggoi kandan se kenaken menge ayam-ayam.”

Genesis 47:11

Impeogpà i Jose se amay din aw menge kedowa din doton te Ehipto. Ontò mèpiya se tanà imbegay din kandan medapag te lonsod te Ramases, iling te impunù te selotan kandin.