Genesis 45:5 - Manobo Sarangani

⁵ Na, ikà niyo egketetana. Ikà niyo egkepuluk tepad te pegbeligyà niyo kanak, so impeonà a te Timanem dini amon eked kaw kematay.

Genesis 45:5 ပူးပေါင်းရင်းမြစ်များ

Genesis 50:20

Pengkey medaet se tod niyo kanak, meneng ininang te Timanem iyan mèpiya, amon medita se otaw eked kematay te bitil, aw yan se doun te neantay kidon pa songkani.

Luc. 23:34

Migtawal-tawal si Jesus tepad te menge otaw miglansang kandin diyà te kros, kagi din, “Amà, pegwedadi se salà dan, so wedà dan ketegahi aw eden se ininang dan seini.” Penga te peglansang dan ki Jesus diyà te kros, pigtalad-talad dan se penenaktun linowas din, aw migbonot dan aw eden se penenaktun meabat te teg sebad-sebad kandan.

Genesis 47:25

Timaba dan, “Tandà te tabang nikaw kenami, eked kay den kematay. Sir, ontò mèpiya se ininang no kenami, aw yan meinang kay menge allang te selotan.”

2 Korinto 2:11

Mèpiya aw pegwedaden tadon se salà ininang te otaw sìyan amon eked kidon keekali i Satanas, so ontò tadon den netegahan se menge medaet ibeg i Satanas.

2 Korinto 2:7

Mèpiya aw pegwedaden niyo den se salà ininang din. Sinelayi niyo se pedowan din amon eked sikandin lengà te pegpemenal so pelaban nelidò se pedowan din.

Filemon 1:15

Lekat besi te ibeg te Timanem se pegkesayo i Onesimo lekat kamno te wedà kenamay amon todà no meabat te wedad temanan.

Genesis 37:28

Pegdateng te menge tege Midian doton kandan, impelowà dan sikandin lekat te sokian, aw imbeligyà dan sikandin. Kelowan plata selapì se kwarta imbayad te menge bowad-bowad i Ismael kandin, aw penga niyan, inibing dan sikandin doton te Ehipto.

Genesis 50:19

Meneng minikagi si Jose, “Ikà niyo egkelemitan kanak. Kenà ko se meg-okom kenyo, so olò Timanem se mepakay meg-okom.

Genesis 50:21

Ikà niyo palos egkelemitan, so siak se meg-ipat kenyo aw menge pamilya niyo.” Ontò mèpiya se kagi din kandan amon mesinalay se pedowan dan.