Genesis 45:20 - Manobo Sarangani

²⁰ Ikegihi dan te keilangan eked dan ketetana tepad te kedònan dan tenanan doton, so begayan dan te ontò mèpiya dini te Ehipto.”

Genesis 45:20 ပူးပေါင်းရင်းမြစ်များ

Luc. 17:31

“Aw domateng se aldaw sìyan, eked awop diyà te balay din se otaw doton te lowà amon ebaten din se kedònan, meneng keilangan tenanan din se kedita. Eked heman olì se otaw egterbaho doton te pawà, meneng keilangan komadas.

Genesis 45:18

amon engayen dan se amay niyo aw menge pamilya dan aw lomikò dan dini. Ipeogpà ko dan diyà te mèpiya tanà dini te Ehipto, aw ontò mèpiya se kànen dan dini.

Mat. 24:17

Keilangan eked awop diyà te balay din se otaw doton te lowà amon ebaten din se kedònan, meneng keilangan tenanan din se kedita.

Genesis 20:15

Minikagi heman si Abimelec, “Tengteng ka den diyà te kebelad te tanà ko. Pemellii se ibeg nikaw ogpaan pengkey kenan.”

Genesis 45:19

Begayi dan heman te menge keriton lekat dini amon doen sekayan te menge esawa aw mengisù dan. Keilangan ibingen dan heman dini se amay niyo.

Genesis 45:21

Yan se ininang te menge batà i Jacob. Doen menge keriton imbegay i Jose kandan iling te inikagi te selotan diyà kandin, aw doen heman kànen dan diyà te dalan imbegay din kandan.

Genesis 47:6

Sikona se eglowan diyà te kebelad te Ehipto. Peogpai dan doton te Gosen, so yan se ontò mèpiya tanà. Aw doen otaw diyà kandan ontò biyasa egdiyaga, petonggoi kandan se kenaken menge ayam-ayam.”