Genesis 45:14 - Manobo Sarangani

¹⁴ Penga niyan, kimeles si Jose te adi din si Benjamin, aw migkelag. Migkelag heman si Benjamin te pegkeles din ki Jose.

Genesis 45:14 ပူးပေါင်းရင်းမြစ်များ

Roma 1:31

Kolang se aneng-aneng dan. Kenà dan egtoman te pakang. Wedad palos egkedekelan dan te pedowan, aw wedad heman egkeidowan dan.

Genesis 46:29

simakay si Jose te kelisa din, aw dimoton sikandin te Gosen amon somongon te amay din. Pegdateng din, kinelesan din se amay din, aw migkelag te ontò nenamay.

Genesis 33:4

Meneng kimagnan si Esau simongon ki Jacob, aw kimeles sikandin te adi din, aw nengadek kandin. Didowa dan se migkelag.

Genesis 29:11

Penga niyan, nengadek si Jacob ki Raquel, aw migkelag sikandin tandà te keluba din.

Luc. 15:20

Penga niyan, timindeg sikandin aw minolì. “Pengkey mediyò pa se balay, meneng kinità sikandin te amay din aw neidowan din. Kimagnan se amay doton te batà din, aw kimeles kandin, aw nengadek kandin.

Genesis 42:24

Penga niyan, nesayo si Jose lekat kandan te wedà kenamay, so migkelag sikandin. Penga niyan, limikò sikandin doton kandan, aw minikagi diyà kandan. Pinemallì din si Simeon, aw impebakwì din sikandin kinità te kedita dan.

Genesis 43:30

Penga niyan, agpet migkelag si Jose, so dakel se pedowan din diyà te adi din, aw yan tigkan sikandin nesayo. Dimoton sikandin te tambì din aw migkelag kidoen.

Genesis 45:2

Ontò migkelag si Jose igsà dinineg iyan te menge tege Ehipto doton te lowà, aw inindanan heman se menge otaw doton te balay te selotan.

Genesis 45:15

Penga niyan, kimeles heman si Jose te tegsebad-sebad kandan, aw nengadek sikandin kandan, aw migkelag. Penga niyan, nekeikagi se menge kedowa i Jose diyà kandin.