Genesis 45:12 - Manobo Sarangani

¹² Minikagi heman si Jose, “Nayan, kedita niyo menge kakay ko, aw sikona heman Benjamin, kimilala kaw den te ontò a si Jose.

Genesis 45:12 ပူးပေါင်းရင်းမြစ်များ

Genesis 42:23

Nekelabet si Jose te kedita te inikagi dan, meneng wedà dan iyan ketegahi, so doen telesogpat mig-obad te kagi dan Hebreo diyà ki Jose, aw mig-obad heman te kagi din Ehipto diyà kandan.

Juan 20:27

Penga niyan, minikagi sikandin diyà ki Tomas, “Soli se intetodò no dini. Tengtengi se belad ko. Ilami heman se kilid ko. Ikà egdowa-dowa, meneng pemenal ka kanak.”

Luc. 24:39

Tengtengi niyo se menge palì diyà te belad ko aw benis ko. Ontò siak. Pemaed kaw kanak amon ontò kaw metaga-taga te kenà a olò along. Wedad lawa te along, meneng seini kitaen niyo den te doen lawa ko.”

Genesis 45:11

Aw meg-ogpà kaw dini te Gosen, ipaten ta sikiyo. Lima mendad se omay te bitil, aw eked a keibeg aw kelimahan ka, aw menge batà nikaw, aw menge ayam-ayam nikaw.’”

Genesis 45:13

Indani niyo se amay tadon tepad te kelangkaw ko dini te Ehipto aw tepad te kedita te kinità niyo dini. Na, kegaen kaw den, aw ibingi niyo sikandin dini.”