Genesis 44:8 - Manobo Sarangani

⁸ Pengkey sìyan kwarta kinità day diyà te sako day doton te Canaan, in-olì day den iyan diyà kamno. Nengà lay menakaw kay te selapì aw bolawan lekat te balay te amo nikaw?

Genesis 44:8 ပူးပေါင်းရင်းမြစ်များ

Roma 13:9

Doen punù insolat, “Ikà niyo eglakad. Ikà niyo egbonò. Ikà niyo egpenakaw. Ikà niyo eg-ingà.” Doen heman menge doma punù insolat, meneng netibok se kedita niyan diyà te sebad punù seini, “Kedekeli niyo te pedowan se doma otaw iling te peg-aneng-aneng niyo te kenyo pegkeotawun.”

Mat. 19:18

Mig-insà se otaw sìyan, “Eden lay punui se keilangan toloen ko?” Minikagi si Jesus, “Ikà egbonò. Ikà eglakad. Ikà egpenakaw. Ikà egkebolalaw tepad te doma otaw.

Genesis 44:7

Meneng timaba dan, “Sir, nengà lay minikagi ka kenyan? Megsapà kay te wedad ininang day iling kenyan.

Genesis 43:12

Doblihi se kwarta ibingen niyo, so keilangan ilikò niyo se kwarta insawol diyà te sako niyo. Kemalì besi iyan.

Genesis 42:35

Penga niyan te peg-awak dan te trigo lekat te menge sako dan, kinità te tegsebad-sebad kandan se kwarta imbayad dan kenyan. Pegkità dan te kwarta, nelemitan si Jacob aw kedita te batà din.

Genesis 42:27

Pegkedelem, minapit dan amon midegà. Doen sebad kandan mig-okal te sako din amon ipekaen se asno din, aw kinità din se kwarta diyà didalem te sako imbayad din te trigo.

Genesis 42:21

Penga niyan, migpebelaw-belaway dan, “Na, dinetengan kidon den te kelimahan seini tandà te medaet ininang tadon diyà te kedowa tadon kedengan. Pegpengenganay din kenitadon, pengkey kinità tadon se kelimahan din, meneng wedà tadon sikandin penenelani. Yan se doun te dinetengan kidon te kelimahan seini.”

Genesis 43:18

Pegketaga-taga dan te balay i Jose se ibingan kandan, nelemitan dan, aw migpebelaw-belaway dan, “Ibingen kidon doton tandà te kwarta in-olì diyà te sako tadon kedengan. Dekepen kidon besi kwani, aw egawen se menge asno tadon, aw inangen kidon allang din.”