Genesis 43:29 - Manobo Sarangani

²⁹ Pegkità i Jose te kedowa din adi si Benjamin, minikagi sikandin, “Sìyan lebò se kedowa niyo temanan adi in-indan niyo kanak kedengan.” Minikagi heman si Jose diyà ki Benjamin, “Atò, ibeg ko keidowan ka te Timanem.”

Genesis 43:29 ပူးပေါင်းရင်းမြစ်များ

Genesis 42:13

Minikagi dan, “Sir, sempolò teg dowa se kedita day telekedowa, aw sebad olò se amay day eg-ogpà doton te Canaan. Nematay se sebad kedowa day, aw mig-ogpà pa se temanan adi doton te amay day.”

Menge Hebreo 13:1

Keilangan gayed dakel se pedowan niyo diyà te menge doma otaw egpemenal.

1 Timoteo 1:2

Simolat a kamno, Timoteo. Iling ka te ontò batà ko tandà te pegpemenal no ki Cristo. Ibeg ko, tebangan ka, aw keidowan ka, aw begayan ka te kelinaw te pedowan lekat te Amay tadon Timanem aw Pengolo tadon si Jesu Cristo.

Mar. 10:24

Nepela se menge tinoledaan din tandà te inikagi din sìyan. Meneng minikagi heman si Jesus, “Ontò melima se pegpesakop te otaw diyà te peglowan te Timanem.

Mat. 9:22

Penga niyan, miniling si Jesus, aw kinità din se bayi sìyan. Minikagi sikandin, “Atà, peseligi se pedowan nikaw. Negolian ka so simalig ka diyà kanak.” Pegketà, negolì se mesakit din.

Mat. 9:2

Wedà kenamay, dimateng se otaw neningga te otaw kenà egpekeiwal. Pegkità i Jesus te ontò dan simalig diyà kandin, minikagi sikandin diyà te otaw kenà egpekeiwal, “Elew, peseligi se pedowan no, so pigwedad den se salà nikaw.”

Genesis 45:8

Kenà niyo se migsawol kanak dini, meneng Timanem se migsawol kanak dini. Ininang a din melangkaw diyà te menge opisyal te selotan. Siak se egsogò te kedita te sineligan te selotan, aw siak heman se eglowan dini te kebelad te Ehipto.

Genesis 42:11

Telekedowa se kedita day. Sir, kenà kay egsimà dini, so ontò kay metinuud.”

Genesis 35:24

Se menge batà i Jacob timebaw diyà ki Raquel, yan si Jose aw si Benjamin.

Genesis 44:21

Sir, timogon ka kenami te keilangan ibingen day sikandin dini kamno amon komità ka kandin.