Genesis 43:18 - Manobo Sarangani

¹⁸ Pegketaga-taga dan te balay i Jose se ibingan kandan, nelemitan dan, aw migpebelaw-belaway dan, “Ibingen kidon doton tandà te kwarta in-olì diyà te sako tadon kedengan. Dekepen kidon besi kwani, aw egawen se menge asno tadon, aw inangen kidon allang din.”

Genesis 43:18 ပူးပေါင်းရင်းမြစ်များ

Genesis 42:35

Penga niyan te peg-awak dan te trigo lekat te menge sako dan, kinità te tegsebad-sebad kandan se kwarta imbayad dan kenyan. Pegkità dan te kwarta, nelemitan si Jacob aw kedita te batà din.

Roma 7:8

Meneng pegketaga-taga ko te punù te Timanem tepad te peg-ingà, labi a pa gayed eg-ingà so medaet se ibeg te pedowan ko. Simpana wedad punù, wedà ko ketegahi aw eden se salà.

Mar. 6:16

Meneng pegdineg i Herod tepad te ininang i Jesus, minikagi sikandin, “Sikandin besi si Juan Memonyagay, sìyan impesipal ko se lieg din, meneng neantay besi lekat te nematay.”

Genesis 42:28

Timawal sikandin diyà te menge kedowa din, “Dini kedì didalem te sako se kwarta imbayad ko te trigo. In-olì besi iyan diyà kanak.” Pegdineg dan kenyan, ontò migpeso se pedowan dan, aw migpeinsaay dan, “Eden lebò se pelumun te Timanem kenitadon seini?”

Genesis 42:21

Penga niyan, migpebelaw-belaway dan, “Na, dinetengan kidon den te kelimahan seini tandà te medaet ininang tadon diyà te kedowa tadon kedengan. Pegpengenganay din kenitadon, pengkey kinità tadon se kelimahan din, meneng wedà tadon sikandin penenelani. Yan se doun te dinetengan kidon te kelimahan seini.”

Genesis 43:17

Timolò se sineligan aw inibing din dan doton te balay i Jose.

Genesis 43:19

Yan pegdateng dan doton te lelebangan te balay, minikagi dan diyà te sineligan,

Genesis 42:27

Pegkedelem, minapit dan amon midegà. Doen sebad kandan mig-okal te sako din amon ipekaen se asno din, aw kinità din se kwarta diyà didalem te sako imbayad din te trigo.

Genesis 44:8

Pengkey sìyan kwarta kinità day diyà te sako day doton te Canaan, in-olì day den iyan diyà kamno. Nengà lay menakaw kay te selapì aw bolawan lekat te balay te amo nikaw?