Genesis 43:12 - Manobo Sarangani

¹² Doblihi se kwarta ibingen niyo, so keilangan ilikò niyo se kwarta insawol diyà te sako niyo. Kemalì besi iyan.

Genesis 43:12 ပူးပေါင်းရင်းမြစ်များ

Genesis 42:25

Doen sineligan insogò i Jose meg-ipenò te sako te kedowa din te trigo. Migpunù heman si Jose kandin te ieles din se kwarta imbayad dan diyà te sako te tegsebad-sebad kandan. Impebegay din heman kandan se kànen dan diyà te dalan. Yan se ininang din diyà kandan.

Genesis 42:35

Penga niyan te peg-awak dan te trigo lekat te menge sako dan, kinità te tegsebad-sebad kandan se kwarta imbayad dan kenyan. Pegkità dan te kwarta, nelemitan si Jacob aw kedita te batà din.

Menge Hebreo 13:8

Eked palos ketodà si Jesu Cristo, so gayed sikandin onawa, pengkey gebii, pengkey songkani, pengkey te wedad temanan.

1 Tesalonika 5:21

meneng peg-ahà kaw aw keseligan se kedita. Aw keseligan se kagi ikeliwat kenyo, tolò kaw kenyan.

1 Tesalonika 4:6

Yan keilangan wedad palos otaw meg-inang te salà tepad kenyan aw meglegawa te doma otaw. Yan se impunù day kenyo kedengan, so ipelumun te Timanem se otaw eg-inang te medaet iling kenyan.

Filipos 4:8

Nayan, menge kedowa ko, sebad mendad se ikegiyen ko kenyo. Keilangan wedad palos eneng-enengen niyo singed aw benal iyan, aw doen ontong, aw metòlid, aw wedad salà, aw ikeluba, aw mèpiya dengeg. Pengkey eden se mèpiya, aw mepakay iduyun, yan se keilangan gayed niyo eneng-enengen.

2 Korinto 8:21

Yan ipetaking ko sìyan sebad otaw egkeseligan amon ketegahan te kedita te otaw aw Pengolo te metòlid se eg-inangen day, so yan se ibeg ko.

Roma 13:8

Ikà niyo egpengotang amon wedad salà niyo. Meneng ikà niyo palos egwedad te pegpedekelay niyo te pedowan, so aw dakel se pedowan te otaw diyà te doma, timoman den sikandin te kedita te punù ingkeliwat i Moises.

Roma 12:17

Pengkey doen otaw meg-inang te medaet diyà kenyo, ikà niyo eg-inang te medaet diyà kandan. Pegpekeaseb kaw meg-inang te ontò mèpiya eked silahi te doma otaw.

Genesis 43:13

Petekingi niyo heman se kedowa niyo, aw kegaen kaw likò.

Genesis 43:21

Meneng peg-idegà day diyà te dalan te peg-olì day, mig-okal kay te sako day, aw kinità day se kwarta imbayad te tegsebad-sebad kenami te kànen doton te lanto te trigo didalem te sako. Kidoen se kedakel niyan. Todà day heman inibing amon iolì day.

Genesis 43:22

Inibing day den heman se doma kwarta ibayad te kànen. Wedà day ketegahi aw sinu se migsawol te kwarta diyà te sako day kedengan.”