Genesis 42:6 - Manobo Sarangani

⁶ Si Jose se gobirnador kidoen te Ehipto, aw sikandin se nemeligyà te kànen diyà te kedita te otaw lekat te menge doma ogpeanan. Yan pegdateng te menge kedowa i Jose doton te Ehipto, dimoton dan kandin aw limongken dan lamig minapet se olo dan diyà te tanà.

Genesis 42:6 ပူးပေါင်းရင်းမြစ်များ

Impekità 3:9

Nayan, se menge otaw migpesakop diyà ki Satanas, eden dan aw ontò dan Judiyo, so migpelingo-lingo dan olò te egtaking dan kanak. Ipesagman ko dan diyà kenyo amon ketegahan dan te sikiyo se ontò ko egkedekelan te pedowan.

Ininang 7:10

aw yan neketayod te kelimahan. Ontò sikandin biyasa, aw yan neluba se selotan te Ehipto si Paraon. Ininang din si Jose gobirnador doton te Ehipto aw amo te kedita doton te balay din.

Genesis 45:26

Minikagi dan diyà kandin, “Neantay pa si Jose, aw eglowan sikandin doton te kebelad te Ehipto.” Ontò nepela si Jacob, so iling te eked din iyan pemenali.

Genesis 45:8

Kenà niyo se migsawol kanak dini, meneng Timanem se migsawol kanak dini. Ininang a din melangkaw diyà te menge opisyal te selotan. Siak se egsogò te kedita te sineligan te selotan, aw siak heman se eglowan dini te kebelad te Ehipto.

Genesis 44:14

Pegdateng i Juda aw menge kedowa din doton te balay i Jose, kidoen pa sikandin. Tigkan dan limongken taman te tanà.

Genesis 19:1

Sìyan didowa memanit nekeonà, yan se anghil. Pegkemeapon, dimateng dan doton te Sodoma. Kidoen si Lot nenenoo medapag te lelebangan diyà te melangkaw kotà nekelibed te lonsod sìyan. Pegkità din kandan, timindeg sikandin aw simongon kandan. Limongken sikandin lamig minapet se olo din diyà te tanà,

Genesis 18:2

Pegtengteng din kidoen te lowà, kinità din se telo otaw timindeg medapag kidoen. Pegkità din kandan, ayas sikandin simongon kandan. Limongken sikandin lamig minapet se olo din diyà te tanà amon megsagman kandan.

Genesis 33:3

Penga niyan, si Jacob se minonà diyà te kedita dan, aw mekepito sikandin longken diyà te tanà te pegpedapag din diyà te kakay din.

Genesis 41:43

Impesakay din heman diyà te kelisa eggemiten te ontò melangkaw sineligan din, aw doen otaw insogò din doton te peselowan i Jose amon tomawal dan, “Peselangi niyo! Peokiti niyo!” Yan se peg-inang ki Jose gobirnador doton te kebelad te Ehipto.

Genesis 48:12

Penga niyan, inabat i Jose se batà din lekat te giba te amay din, aw limongken sikandin diyà te amay din lamig minapet se olo din diyà te tanà.

Genesis 41:54

Penga niyan, dimateng se pito se omay te bitil, iling te tapay inikagi i Jose. Nebitilan se menge otaw doton te kedita te doma ogpeanan, meneng doen beling kànen doton te kebelad te Ehipto.

Genesis 41:57

Medita heman se otaw dimoton te Ehipto lekat te menge doma ogpeanan amon mayad dan te trigo diyà ki Jose, so medaet se bitil doton te kebelad te keneyonan.