Genesis 42:38 - Manobo Sarangani

³⁸ Meneng minikagi si Jacob, “Eked kepakay diyà kanak aw tomaking si Benjamin kenyo, so nematay se kakay din, aw sikandin olò se nesamà. Ontò a den temoay. Megmeno a aw detengan sikandin te medaet diyà te dalan? Aw matay sikandin, matay a heman tandà te lano ko kandin.”

Genesis 42:38 ပူးပေါင်းရင်းမြစ်များ

Genesis 37:35

Netipon se kedita te batà din amon megsinalay dan kandin, meneng kimulu sikandin, kagi din, “Gayed a moloy tandà te pegkematay te batà ko lamig komità a kandin doton te ogpeanan te otaw nematay.” Yan gayed sikandin minoloy te batà din si Jose.

Genesis 42:4

Meneng se ontò kedowa i Jose si Benjamin, yan se wedà petekingi i Jacob te menge kedowa din, so nelemitan si Jacob te medaet se kegemakan i Benjamin.

Genesis 37:33

Kinilala din te yan se saol i Jose, aw minikagi sikandin, “Ee, kandin ini. Inimetayan sikandin te mebolot menenanap te kebenesan, aw kinaen se lawa din.”

Genesis 42:13

Minikagi dan, “Sir, sempolò teg dowa se kedita day telekedowa, aw sebad olò se amay day eg-ogpà doton te Canaan. Nematay se sebad kedowa day, aw mig-ogpà pa se temanan adi doton te amay day.”

Genesis 44:20

Timaba kay te doen amay day temoay, aw doen adi day timebaw te pegketemoay te amay day. Sikandin olò se nesamà diyà te dowa batà te inay din, so nematay se kakay din. Ontò sikandin egkedekelan te amay day te pedowan.

Genesis 37:34

Penga niyan, miglisì si Jacob te saol din aw nengelibaeg sikandin te sako tandà te lano din. Nenamay sikandin minoloy tepad te pegkematay te batà din.

Genesis 42:37

Minikagi si Ruben diyà te amay din, “Seligi si Benjamin diyà kanak, aw iolì ko sikandin dini kamno. Aw eked ko sikandin keolì, imetayi se dowa batà ko meama.”

Genesis 43:13

Petekingi niyo heman se kedowa niyo, aw kegaen kaw likò.

Genesis 44:22

Minikagi kay diyà kamno te eked sikandin peketanan te amay day, so aw tomanan sikandin, matay se amay day.