Genesis 42:34 - Manobo Sarangani

³⁴ Ibingi niyo dini kanak se kedowa niyo temanan adi amon ketegahan ko te kenà kaw egsimà, meneng metinuud kaw. Yan ipelowà ko se kedowa niyo, aw mepakay kaw mayad dini te Ehipto.’”

Genesis 42:34 ပူးပေါင်းရင်းမြစ်များ

Genesis 34:10

Mepakay heman aw meg-ogpà kaw dini kenami. Pemellii niyo se mèpiya ogpaan niyo. Mepakay se peg-ogpà niyo dini, aw pegnigosyo niyo dini, aw pegketig-apò niyo te tanà dini.”

Genesis 34:21

“Ibeg te menge otaw sida megpesigelakay kidon. Mèpiya aw ipeogpà tadon dan dini kenitadon. Mepakay aw megnigosyo dan heman dini, so doen pa keombaan te tanà seini. Mèpiya heman aw megpepengognanay se menge batà tadon aw menge batà dan.

Genesis 42:20

Meneng keilangan ibingen niyo dini kanak se kedowa niyo temanan adi amon ketegahan ko te benal se inikagi niyo, aw yan eked kaw imetayi.” Yan timandù dan kandin.

Genesis 20:15

Minikagi heman si Abimelec, “Tengteng ka den diyà te kebelad te tanà ko. Pemellii se ibeg nikaw ogpaan pengkey kenan.”

Genesis 42:15

Meneng seini se inangen ko amon ketegahan ko aw benal se inikagi niyo. Pineokit te ngadan te selotan, ipunù ko den te eked kaw palos pekeolì lekat dini singed aw domini se adi niyo.