Genesis 42:21 - Manobo Sarangani

²¹ Penga niyan, migpebelaw-belaway dan, “Na, dinetengan kidon den te kelimahan seini tandà te medaet ininang tadon diyà te kedowa tadon kedengan. Pegpengenganay din kenitadon, pengkey kinità tadon se kelimahan din, meneng wedà tadon sikandin penenelani. Yan se doun te dinetengan kidon te kelimahan seini.”

Genesis 42:21 ပူးပေါင်းရင်းမြစ်များ

1 Juan 1:9

Meneng aw mikagi kidon te benal doen salà tadon, yan pegwedaden te Timanem se salà tadon, aw onawan kidon din lekat te medaet ininang tadon, so egkeseligan sikandin aw metòlid heman se eg-inangen din.

Santiago 2:13

Aw meg-okom se Timanem te kedita te otaw, eked din keidowi se otaw wedà keido te doma otaw nelimahan. Meneng aw meido se otaw te doma otaw nelimahan, wedad kelemitanan din aw okomen te Timanem.

Ininang 19:18

Migselsel heman se menge otaw kaling nemenal. Wedà dan boloni se medaet ininang dan.

Luc. 16:28

Doen pa lima kedowa ko, aw ibeg ko indanan din dan te keilangan megselsel dan te salà, amon eked dan heman peibingi dini te kededàtan.’

Mar. 9:48

so eked palos kematay se sapat kidoen, aw eked palos heman kepadeng se apoy,

Mat. 7:2

Okomen kaw onawa te peg-okom niyo te menge doma otaw. Keidowan kaw heman onawa te pegkeido niyo te menge doma otaw.

Genesis 41:9

Penga niyan, minikagi se otaw egpengibing te bino, “Keilangan meg-indan a den seini tepad te salà ko.

Genesis 45:3

Minikagi si Jose diyà te menge kedowa din, “Siaken si Jose. Mèpiya lay pa se pegkesawol te amay ko?” Meneng pegdineg te menge kedowa din kenyan, wedà dan peketaba kandin tandà te peso dan.

Genesis 50:15

Nayan, so nematay den si Jacob, migpebelaw-belaway se menge kedowa i Jose, kagi dan, “Megmeno kidon aw keopalan kidon den i Jose, aw megmalit den sikandin kenitadon tandà te medaet ininang tadon kandin?”

Genesis 44:16

Timaba si Juda, “Sir, megmeno kay? Iling te wedad itaba day te inikagi nikaw. Impekità den te Timanem te benal doen salà day. Kedita day se meinang allang nikaw sipat sikandin kinitaan no te tabò.”