Genesis 42:13 - Manobo Sarangani

¹³ Minikagi dan, “Sir, sempolò teg dowa se kedita day telekedowa, aw sebad olò se amay day eg-ogpà doton te Canaan. Nematay se sebad kedowa day, aw mig-ogpà pa se temanan adi doton te amay day.”

Genesis 42:13 ပူးပေါင်းရင်းမြစ်များ

Genesis 37:30

Dimoton sikandin te menge kedowa din aw minikagi, “Megmeno a? So wedad den kidoen si Jose.”

Genesis 44:20

Timaba kay te doen amay day temoay, aw doen adi day timebaw te pegketemoay te amay day. Sikandin olò se nesamà diyà te dowa batà te inay din, so nematay se kakay din. Ontò sikandin egkedekelan te amay day te pedowan.

Genesis 42:32

Mig-indan kay kandin te sempolò teg dowa se kedita day telekedowa aw sebad olò se amay day. Nematay son day se sebad kedowa day, aw mig-ogpà pa se temanan adi doton te amay day kidoen te Canaan.

Genesis 43:7

Timaba dan, “Gayed sikandin mig-insà tepad kenitadon aw tepad te pamilya tadon. Mig-insà sikandin, ‘Wedà lay pa kematay se amay niyo? Doen lay pa doma kedowa niyo?’ Olò kay timaba te menge insà din. Wedà kay palos peg-aneng-aneng te tomogon sikandin te keilangan ibingen day doton se kedowa day.”

Mat. 2:18

“Doen dinegen niyo kidoen te lonsod te Rama. Megkelag aw megmatay se menge bowad-bowad i Rakel, so melano dan te mengisù dan. Megkelag dan, aw eked dan kesinelayi, so inimetayan se mengisù dan.”

Mat. 2:16

Nayan, pegketaga-taga i Herod te inekalan sikandin te menge otaw biyasa tepad te pengilala te bitoen, ontò sikandin neopal so wedà dan likò doton kandin. Yan insogò din se menge sondalo doton te lonsod te Bitlihim aw menge ogpeanan medapag kidoen amon imetayan dan se kedita te batà meama lekat te kaling timebaw lamig te didowa se omay, so yan se kenamay netegahan din lekat te in-indan te menge otaw biyasa tepad te pengilala te bitoen.

Genesis 45:26

Minikagi dan diyà kandin, “Neantay pa si Jose, aw eglowan sikandin doton te kebelad te Ehipto.” Ontò nepela si Jacob, so iling te eked din iyan pemenali.

Genesis 44:28

Nemetayan a den te sebad. Inimetayan besi sikandin te mebolot menenanap te kebenesan, aw wedà ko palos todà kitai.

Genesis 42:38

Meneng minikagi si Jacob, “Eked kepakay diyà kanak aw tomaking si Benjamin kenyo, so nematay se kakay din, aw sikandin olò se nesamà. Ontò a den temoay. Megmeno a aw detengan sikandin te medaet diyà te dalan? Aw matay sikandin, matay a heman tandà te lano ko kandin.”

Genesis 42:36

Minikagi se amay dan diyà kandan, “Pineokit kenyo, eg-ebaten se kedita te batà ko lekat kanak. Wedad den si Jose, wedad den heman si Simeon, aw ibeg niyo ebaten heman si Benjamin lekat kanak. Ontò a egdetengan te kelimahan.”

Genesis 42:11

Telekedowa se kedita day. Sir, kenà kay egsimà dini, so ontò kay metinuud.”

Genesis 42:12

Minikagi si Jose, “Kenà. Dimini kaw amon megsimà kaw te kelomayan day amon domaeg kaw kenami.”

Genesis 42:14

Meneng minikagi si Jose, “Benal se inikagi ko gina. Dimini kaw amon megsimà kaw kenami.

Genesis 43:29

Pegkità i Jose te kedowa din adi si Benjamin, minikagi sikandin, “Sìyan lebò se kedowa niyo temanan adi in-indan niyo kanak kedengan.” Minikagi heman si Jose diyà ki Benjamin, “Atò, ibeg ko keidowan ka te Timanem.”