Genesis 41:8 - Manobo Sarangani

⁸ Pegkeiselem niyan, netetana se pedowan te selotan. Yan impeangay din se kedita te otaw biyasa egselemangka aw menge doma otaw biyasa doton te Ehipto. Mig-indan sikandin diyà kandan tepad te tegeinep din, meneng wedad palos nekeindan kandin aw eden se kedegdagan niyan.

Genesis 41:8 ပူးပေါင်းရင်းမြစ်များ

Mat. 2:1

Timebaw si Jesus doton te lonsod te Bitlihim sakop te probinsya te Judiya dalem te peglowan te selotan si Herod. Nayan, doen menge otaw dimateng doton te Jerusalem lekat te mediyò ogpeanan doton te eglibtakan te aldaw. Sikandan se ontò biyasa tepad te pengilala te menge bitoen.

Genesis 40:8

Timaba dan, “Migtegeinep kay, aw wedad otaw mekeindan kenami aw eden se kedegdagan niyan.” Minikagi si Jose, “Timanem se egpemegay te kebiyasa diyà te otaw amon mekeindan te kedegdagan te tegeinep. Indani a tepad te tegeinep niyo.”

Genesis 40:6

Pegkeiselem niyan te pegdoton i Jose kandan, kinità din te netetana se pedowan dan.

1 Korinto 1:19

So doen kagi te Timanem tapay insolat, “Pegbàtan ko se kebiyasa te otaw eg-ikagi te biyasa dan, aw ipetaga-taga ko te wedad ontong te pig-ilingan te otaw doen dakel netegahan.”

Ininang 17:18

Doen menge menenoladà sakop te menge Epicuriano aw Estoiko migdindil ki Pablo. Migtompuyus se sebad, kagi din, “Wedad besi ontong te intoladà te metibelisì sìyan.” Doen doma minikagi, “Egtoladà besi tepad te menge doma timanem egsimbahen doton te mediyò ogpeanan.” Minikagi dan kenyan so migtoladà si Pablo tepad ki Jesus aw keentayan.

Ininang 7:22

Pigtoledaan sikandin te kedakel te kebiyasa te tege Ehipto. Pegketesan din, ontò biyasa se peg-ikagi aw peg-inang din.

Genesis 41:7

Se oway nekoped, yan se nengame te oway melambò. Penga niyan, neloka se selotan aw netaga-taga sikandin te tegeinep din olò iyan.

Genesis 41:15

Minikagi se selotan diyà ki Jose, “Migtegeinep a, aw wedad otaw nekeindan kanak aw eden se kedegdagan niyan. Inindanan a te biyasa ka eg-indan aw eden se kedegdagan te tegeinep aw iindan iyan diyà kamno.”

Genesis 41:24

Se oway nekoped, yan se nengame te oway melambò. Yan se tegeinep in-indan ko diyà te menge otaw biyasa egselemangka, meneng wedad palos nekeindan kanak aw eden se kedegdagan niyan.”