Genesis 41:56 - Manobo Sarangani

⁵⁶ Neinang labi pa medaet se bayil igsà nebitilan se kedita te tege Ehipto. Penga niyan, impeowang i Jose se kedita te pol tinegoan te trigo, aw impebeligyà din iyan diyà te menge tege Ehipto.

Genesis 41:56 ပူးပေါင်းရင်းမြစ်များ

Genesis 42:6

Si Jose se gobirnador kidoen te Ehipto, aw sikandin se nemeligyà te kànen diyà te kedita te otaw lekat te menge doma ogpeanan. Yan pegdateng te menge kedowa i Jose doton te Ehipto, dimoton dan kandin aw limongken dan lamig minapet se olo dan diyà te tanà.

Ininang 17:26

Ininang te Timanem se sebad otaw si Adam, aw sikandin se kemonaan te kedita te otaw eg-ogpà dini te kebelad te keneyonan. Tapay piglalang te Timanem se kenamay aw temanan te ogpeanan dan.

Luc. 21:35

Metoman iyan domateng diyà te kedita te otaw dini lanto te tanà.

Genesis 41:30

Penga te pito se omay mèpiya, domateng se pito se omay te bayil, aw yan se mekebaet te kedita dini te Ehipto igsà kelibelan se pito se omay doen dakel geniyen.

Genesis 41:55

Pegkeballos te menge tege Ehipto, nemoyò dan te kànen diyà te selotan. Meneng minikagi sikandin, “Doton kaw ki Jose aw tolò kaw te ipunù din kenyo.”

Genesis 41:57

Medita heman se otaw dimoton te Ehipto lekat te menge doma ogpeanan amon mayad dan te trigo diyà ki Jose, so medaet se bitil doton te kebelad te keneyonan.

Genesis 43:1

Nayan, neinang labi pa medaet se bitil doton te Canaan.

Genesis 12:10

Nayan, doen bitil doton te Canaan, aw dimeleg si Abram doton te Ehipto amon meg-ogpà dan doton te menamay-namay, so ontò dan nebitilan.

Genesis 41:35

Sogò ka kandan te keilangan imonen dan se kànen dalem te menge omay doen dakel geniyen amon itagò iyan doton te tegsebad-sebad lonsod aw bentayan iyan.