Genesis 41:43 - Manobo Sarangani

⁴³ Impesakay din heman diyà te kelisa eggemiten te ontò melangkaw sineligan din, aw doen otaw insogò din doton te peselowan i Jose amon tomawal dan, “Peselangi niyo! Peokiti niyo!” Yan se peg-inang ki Jose gobirnador doton te kebelad te Ehipto.

Genesis 41:43 ပူးပေါင်းရင်းမြစ်များ

Genesis 45:8

Kenà niyo se migsawol kanak dini, meneng Timanem se migsawol kanak dini. Ininang a din melangkaw diyà te menge opisyal te selotan. Siak se egsogò te kedita te sineligan te selotan, aw siak heman se eglowan dini te kebelad te Ehipto.

Ininang 7:10

aw yan neketayod te kelimahan. Ontò sikandin biyasa, aw yan neluba se selotan te Ehipto si Paraon. Ininang din si Jose gobirnador doton te Ehipto aw amo te kedita doton te balay din.

Genesis 45:26

Minikagi dan diyà kandin, “Neantay pa si Jose, aw eglowan sikandin doton te kebelad te Ehipto.” Ontò nepela si Jacob, so iling te eked din iyan pemenali.

Genesis 42:6

Si Jose se gobirnador kidoen te Ehipto, aw sikandin se nemeligyà te kànen diyà te kedita te otaw lekat te menge doma ogpeanan. Yan pegdateng te menge kedowa i Jose doton te Ehipto, dimoton dan kandin aw limongken dan lamig minapet se olo dan diyà te tanà.

Filipos 2:10

Amon lomongken se kedita diyà kandin, pengkey eg-ogpà dan doton te langit, aw dini lanto te tanà, aw pengkey doton didalem te tanà. Domuyun se kedita dan te ngadan i Jesus,

Genesis 42:33

Meneng minikagi se gobirnador diyà kenami, ‘Seini se inangen ko amon ketegahan ko aw metinuud kaw. Sebad kenyo se kelebosowen pa dini, dalem te peg-olì te menge doma niyo amon mengibing te kànen doton te menge pamilya niyo nebitilan.

Genesis 42:30

Minikagi dan, “Nenompelà se gobirnador te Ehipto kenami, aw minikagi sikandin te dimoton kay amon megsimà aw domaeg kay kandan.

Genesis 41:42

Penga niyan, inabat te selotan se peningsing din, sìyan pengilala te peglowan din, aw imbegay din iyan ki Jose. Impesaol din te sapot ontò meelagà, aw impepeninga din te bolawan.

Genesis 41:44

Minikagi heman se selotan diyà ki Jose, “Pengkey siak se selotan, meneng wedad palos mepakay inangen dini te kebelad te Ehipto singed aw mepakay iyan diyà kamno.”

Genesis 50:18

Penga niyan, dimoton se menge kedowa din kandin, aw limongken dan diyà kandin. Minikagi dan, “Dimini kay den amon inangen kay menge allang nikaw.”

Genesis 50:9

Timaking heman ki Jose se menge otaw simakay te kelisa aw kodà. Ontò medita se otaw dimoton.