Genesis 40:20 - Manobo Sarangani

²⁰ Netoman iyan, so pegkepenga te telo se aldaw, mig-inang se selotan te dakel kànen so yan se aldaw te pegtebaw din, aw impetanod din se kedita te menge opisyal. Impelowà din lekat te keleboso se otaw egpengibing te bino aw otaw eg-inang te pan, aw impeibing din dan doton te menge opisyal netipon.

Genesis 40:20 ပူးပေါင်းရင်းမြစ်များ

Mat. 14:6

Peg-inang i Herod te pista tepad te aldaw te pegtebaw din, simayaw se laga batà i Herodias amon meluba se menge otaw timanod. Ontò heman neluba si Herod,

Genesis 40:19

Telo seini, ipelowà ka te selotan lekat te keleboso, aw ipesipal din se lieg nikaw. Ipebitin se lawa no doton te tollok aw kànen te menge manok te kebenesan se onod nikaw.”

Genesis 40:13

Telo seini, ipelowà ka te selotan lekat te keleboso, aw todà ka din ipelikò doton te tapay terbaho nikaw. Todà ka mengibing te bino kandin, iling te tapay nikaw ininang.

Mar. 6:21

Nayan, mig-inang si Herod te pista tepad te aldaw te pegtebaw din, aw impetanod din se kedita te opisyal, aw kapitan te sondalo, aw otaw meyaman. Yan se aldaw intelegsà i Herodias amon ipeimatay din si Juan.

Mat. 25:19

“Nayan, pegkenamay, minolì se amo dan, aw tinawal din se sineligan binegayan din te kwarta amon ketegahan din aw doen gamad dan.

Genesis 21:8

Timilles si Isaac, aw biningà sikandin. Dakel se kànen ininang i Abraham te aldaw te pegbingà kandin.