Genesis 40:19 - Manobo Sarangani

¹⁹ Telo seini, ipelowà ka te selotan lekat te keleboso, aw ipesipal din se lieg nikaw. Ipebitin se lawa no doton te tollok aw kànen te menge manok te kebenesan se onod nikaw.”

Genesis 40:19 ပူးပေါင်းရင်းမြစ်များ

Genesis 40:22

Meneng sìyan otaw eg-inang te pan, yan se impeimatay te selotan. Netoman se kedita te inikagi i Jose diyà kandan.

Galasya 3:13

Meneng wedad otaw meketolò te kedita te punù sìyan. Se otaw egsalig diyà te punù ingkeliwat i Moises, yan se otaw ipelumun te Timanem pineokit te menge punù sìyan. Meneng si Cristo se migpelowà kenitadon lekat te pelumun, so sikandin se impelumun inselilin kenitadon. Se pegpelumun kandin, yan se pegkematay din doton te kros. So doen kagi te Timanem insolat, “Pengkey sinu otawi se imetayan aw bitinen doton te kayo intollok, yan se pengilala te ontò dakel se pelumun kandin.”

Ininang 20:27

so ontò a migtoladà kenyo te kedita te ibeg te Timanem.

Genesis 41:13

Netoman se kedita te inikagi din, so todà a no impelikò doton te tapay terbaho ko, aw impeimatay no se otaw mig-inang te pan.”

Genesis 40:17

Se bigo diyà te lanto, yan se doen medita kemolò te pan ibingen ko doton te selotan, meneng kinaen iyan te menge manok te kebenesan.”

Genesis 40:13

Telo seini, ipelowà ka te selotan lekat te keleboso, aw todà ka din ipelikò doton te tapay terbaho nikaw. Todà ka mengibing te bino kandin, iling te tapay nikaw ininang.

Genesis 40:18

Minikagi si Jose, “Seini se kedegdagan niyan. Se telo bigo sìyan, yan se telo se aldaw.

Genesis 40:20

Netoman iyan, so pegkepenga te telo se aldaw, mig-inang se selotan te dakel kànen so yan se aldaw te pegtebaw din, aw impetanod din se kedita te menge opisyal. Impelowà din lekat te keleboso se otaw egpengibing te bino aw otaw eg-inang te pan, aw impeibing din dan doton te menge opisyal netipon.