Genesis 40:15 - Manobo Sarangani

¹⁵ Tinakaw a lekat te mediyò ogpeanan day menge Hebreo, aw pengkey wedad palos medaet ininang ko, meneng impekeleboso a pa dini te Ehipto.”

Genesis 40:15 ပူးပေါင်းရင်းမြစ်များ

Genesis 39:20

Impedakep din si Jose aw impekeleboso doton te kotà egsolan te selotan te menge otaw ipegpelumun din. Yan se sinolan ki Jose.

1 Timoteo 1:10

Doen punù amon segdahen se otaw eglayok te kenà kandan esawa, aw bayot, aw otaw eg-agaw te doma otaw, aw bolelawun, aw otaw egkebolalaw te pegsistigos dan, aw pengkey eden se medaet inangen te otaw kenà egtaking te kebenalan ipegtoladà tadon.

Juan 15:25

Pineokit te pegkebensi dan, netoman den se kagi tapay insolat diyà te kagi te Timanem, ‘Wedad tindegan te kebensi dan kanak.’

Juan 10:32

Meneng minikagi si Jesus, “Medita se mèpiya ininang ko aw kinità niyo, so insogò a te Amay ko Timanem. Eden lay se ininang ko te imetayan a niyo?”

Genesis 41:12

Doen Hebreo kidoen, telaki pa, sineligan te kapitan te menge sondalo. Mig-indan kay diyà kandin tepad te tegeinep day, aw in-indan din kenami se kedegdagan niyan.

Genesis 14:13

Doen sebad otaw nekelowà mig-indan te kedita niyan diyà ki Abram se Hebreo. Dalem niyan, mig-ogpà si Abram doton medapag te menge olayan i Mamre tege Amori. Gayed egpedepitay si Abram, si Mamre, aw menge kedowa i Mamre, si Escol aw si Aner.

Genesis 40:16

Nayan, pegketaga-taga te otaw eg-inang te pan te selotan te mèpiya se kedegdagan te tegeinep te egpengibing te bino, minikagi heman sikandin diyà ki Jose, “Doen heman tegeinep ko. Doen telo bigo nepenò te pan insodò ko.