Genesis 4:7 - Manobo Sarangani

⁷ Aw metòlid se inangen nikaw, yan meluba a kamno. Meneng aw eked ka peg-inang te metòlid, delisegen ka den i Satanas amon meg-inang ka te salà. Dàgen ka peden te peg-inang no te salà, meneng keilangan domaeg ka kenyan.”

Genesis 4:7 ပူးပေါင်းရင်းမြစ်များ

Genesis 19:21

Timaba se anghil, “Mepakay iyan. Mepakay diyà kanak se pinemoyò nikaw. Eked a pegbaet te lonsod sida.

Genesis 3:16

Minikagi se Timanem diyà te bayi, “Ontò ko dogangan se kelimahan te pegbatà nikaw. Aw tebawan ka, elegen ka. Meneng ontò ka meibeg te kamno esawa, aw mengolo sikandin diyà kamno.”

Ininang 10:35

Meneng keidowan din se kedita te otaw egtolò kandin aw eg-inang te mèpiya, pengkey otaw Judiyo aw pengkey otaw kenà Judiyo.

Roma 12:1

Nayan, menge kedowa ko, ontò mèpiya se keido te Timanem kenitadon, aw yan se doun te megpunù a den kenyo te keilangan betel niyo ibegay se pegkeotawun niyo diyà te Timanem dalem te doen pa pedowan niyo. Aw ibegay niyo se pegkeotawun niyo diyà kandin, kinewaen din iyan, aw ipetaga-taga niyo te melobos se pedowan niyo te pegsimba niyo kandin.

Roma 14:18

Aw yan se inangen te kedita tadon egtolò ki Cristo, meluba se Timanem kenitadon, aw mikagi heman se doma otaw te mèpiya se eg-inangen tadon.

Roma 15:16

ininang a din sogounun i Jesu Cristo, aw insogò a din doton te menge otaw kenà Judiyo, so pineokit kanak dimateng den kandan se Mèpiya Indan lekat te Timanem. Yan kininawà den dan te Timanem, so ininang dan egpenimanem pineokit te Espiritu Santo.

Roma 6:12

Yan eked den kepakay aw beyà-beyaan kaw te salà. Eked den kepakay aw tomolò kaw te medaet ibeg te pedowan niyo.

Roma 6:16

Netegahan niyo den, aw megpeallang kaw diyà te doma otaw, keilangan tomolò kaw kandin. Iling heman kenyan, aw meallang se otaw diyà te salà, detengan sikandin te kemetayun wedad temanan. Meneng aw tomolò se otaw te Timanem, eneng-enengen te Timanem te metòlid sikandin.

Efeso 1:6

Iduyun tadon se Timanem so ontò mèpiya se keido din, so ontò kidon din tinebangan pineokit te Batà din egkedekelan din te pedowan.

1 Timoteo 5:4

Meneng aw doen batà aw apò te bayi balo, pegtoladà ka kandan te keilangan sikandan se menogpò te kandan pamilya aw memegay te ontong diyà te kandan inay aw amay, so yan se ibeg te Timanem inangen tadon.

Menge Hebreo 11:4

Gebii, simalig si Abel diyà te Timanem, aw yan mèpiya se imbegay din diyà te Timanem, kenà iling te imbegay te kedowa din si Cain. Pineokit te pegsalig i Abel, mig-aneng-aneng se Timanem te metòlid sikandin. Impetaga-taga te Timanem te mig-aneng-aneng sikandin te metòlid si Abel pineokit te pegkinawà din te imbegay din. Pengkey nenamay den si Abel nematay, meneng doen pa peg-ilingan tadon diyà kandin tandà te pegsalig din diyà te Timanem.

Santiago 1:15

Aw tomolò se otaw te medaet ibeg te pedowan din, yan mekeinang te salà. Aw gayed meg-inang se otaw te salà, yan se detengan te pelumun aw kemetayun wedad temanan.

1 Pedro 2:5

Binegayan kaw din te kaling pedowan wedad temanan. Aw beyà-beyaan kaw din, meinang kaw iling te menge bato gemiten te peg-inang te balay egsimbahan te Timanem. Inangen kaw din heman iling te menge pengolo te simbahan te Judiyo, so pineokit te tabang i Jesu Cristo, doen den mepakay tadon ibegay diyà te Timanem. Aw megsimba kidon kandin aw domuyun kidon heman kandin, yan se kelubahan din.