Genesis 4:4 - Manobo Sarangani

⁴ Meneng si Abel se nemallì te penganay nati te menge karniro din, aw iniyaw din iyan, aw inibing din se melambò onod niyan amon ibegay din iyan diyà te Timanem. Neluba se Timanem ki Abel aw sìyan imbegay din.

Genesis 4:4 ပူးပေါင်းရင်းမြစ်များ

Genesis 15:17

Pegsallep te aldaw sìyan aw pegkengitngit, tigkan kinità i Abram se iling te depolan minebel aw gansà limegdeg. Minokit iyan diyà te tengà-tengà te lawa te ayam-ayam binekas din.

Genesis 4:3

Doen sebad aldaw, nengibing si Cain te menge pongo te tinanem din amon ibegay din iyan diyà te Timanem.

Menge Hebreo 11:4

Gebii, simalig si Abel diyà te Timanem, aw yan mèpiya se imbegay din diyà te Timanem, kenà iling te imbegay te kedowa din si Cain. Pineokit te pegsalig i Abel, mig-aneng-aneng se Timanem te metòlid sikandin. Impetaga-taga te Timanem te mig-aneng-aneng sikandin te metòlid si Abel pineokit te pegkinawà din te imbegay din. Pengkey nenamay den si Abel nematay, meneng doen pa peg-ilingan tadon diyà kandin tandà te pegsalig din diyà te Timanem.

Menge Hebreo 9:22

so doen punù ingkeliwat i Moises te keilangan doen dipanog ilinis te keditaan te telepagan dan. Iling heman kenyan, eked pegwedadi te Timanem se salà te otaw singed aw doen imetayan amon doen dipanog ilinis.

Impekità 13:8

Simbahen iyan te kedita te otaw te keneyonan, sìyan menge otaw wedà kesolat se ngadan dan kidoen te libro sinolatan te ngadan te kedita te otaw begayan te kaling pedowan wedad temanan. Yan se libro insolat te Karniro inimetayan, aw insolat iyan te wedà pa inangi se keneyonan.