Genesis 4:26 - Manobo Sarangani

²⁶ Doen batà meama timebaw diyà te esawa i Set, aw iningedanan din se batà din ki Enos. Nayan, lekat te aldaw sìyan, migtebò se menge otaw migsimba aw migtawal-tawal diyà te Timanem.

Genesis 4:26 ပူးပေါင်းရင်းမြစ်များ

Genesis 12:8

Penga niyan, dimeleg sikandin pesalo doton te menge bontod lenged te eglibtakan te lonsod te Betel. Mig-ogpà sikandin diyà te tengà-tengà te lonsod te Betel aw Ai. Lenged te egsellepan se lonsod te Betel, aw lenged te eglibtakan se lonsod te Ai. Mig-inang heman sikandin te sonoganan te ayam-ayam kidoen, aw migsimba sikandin te Timanem.

Luc. 3:38

Si Cainan se batà i Enos. Si Enos se batà i Set. Si Set se batà i Adam. Si Adam se batà te Timanem.

Genesis 26:25

Mig-inang si Isaac te sonoganan te ayam-ayam ibegay diyà te Timanem, aw migsimba sikandin te Timanem kidoen. Mig-ogpà si Isaac kidoen, aw nemangbang se menge sineligan din te sokian.

1 Korinto 1:2

Seini se solat ko diyà te kedita niyo menge sakop te Timanem kidoen te Korinto. Egpenimanem kaw so migsebad se pedowan niyo diyà ki Jesu Cristo, aw tinawal kaw te Timanem amon inangen kaw din sakop din sipat kedita te doma otaw egpemenal te Pengolo tadon si Jesu Cristo, pengkey doton te menge doma ogpeanan, so sikandin se Pengolo dan heman.

Roma 10:13

so doen kagi te Timanem insolat, “Mekelowà lekat te salà se kedita te otaw memoyò diyà te Pengolo tadon.”

Ininang 11:26

Pegkità din kandin, inibing din doton te Antyokya. Mig-ogpà dan kidoen te sebad se omay. Migtoladà dan te menge otaw egpemenal. Se menge otaw egpemenal doton te Antyokya, yan se monà iningedanan Sakop i Cristo.

Ininang 2:21

Meneng mekelowà lekat te salà se kedita te otaw memoyò diyà te Pengolo tadon.’ Yan se kagi te Timanem ingkeliwat i Joel.