Genesis 4:2 - Manobo Sarangani

² Penga niyan, todà sikandin migbatà te doma batà din meama si Abel. Si Abel se biyasa egdiyaga te menge ayam-ayam, aw si Cain se biyasa egpawà.

Genesis 4:2 ပူးပေါင်းရင်းမြစ်များ

Genesis 3:23

Yan impekesayo te Timanem se otaw lekat te kekeyowan te Eden, aw impeobong din sikandin te tanà linekatan din.

Genesis 37:13

Minikagi si Jacob diyà ki Jose, “Dimoton te Sikem se menge kedowa no aw migpeloyaw dan te menge ayam-ayam kidoen. Peketagad ka so isogò ta doton kandan.” Minikagi si Jose, “Neketagad a den.”

Genesis 4:1

Nayan, migpeleyokay si Adam aw esawa din, aw miglaman si Eva. Pegtebaw te batà din, minikagi si Eva, “Pineokit te tabang te Timanem, doen den batà ko meama.” Iningedanan din se batà din ki Cain (kelebadan niyan, doen den).

Genesis 4:3

Doen sebad aldaw, nengibing si Cain te menge pongo te tinanem din amon ibegay din iyan diyà te Timanem.

Genesis 47:3

Mig-insà se selotan diyà kandan, “Eden lay se eg-inangen niyo?” Timaba dan, “Sir, telediyaga kay, iling te eg-inangen te menge kemonaan day gebii.

Genesis 9:20

Nayan, so biyasa si Noe egpawà, sikandin se monà nenanem te paras.

Luc. 11:50

Nayan, ipelumun te Timanem se kedita niyo songkani tandà te pegpengimatay te kemonaan niyo te menge telekeliwat te kagi din lekat te keteboan te keneyonan lamig seini,

Luc. 11:51

lekat te peg-imatay dan ki Abel taman te peg-imatay dan ki Zacarias kidoen te dowangen te dakel simbahan medapag te sonoganan te ayam-ayam ibegay diyà te Timanem. Mikagi a den diyà kenyo te metoman ipelumun te Timanem se kedita niyo songkani tandà te pegpengimatay kandan.

Juan 8:44

Si Satanas se ontò amay niyo, aw se ibeg din medaet, yan heman se ibeg niyo inangen. Lekat te ketebò te keneyonan, egpengimatay sikandin. Wedad palos labut din te kebenalan, so wedad kebenalan diyà kandin. Aw megkebolalaw sikandin, yan se ketanem te pedowan din, so bolelawun sikandin, aw sikandin se eglekatan te kedita te kebolalaw.

1 Juan 3:10

Seini se pengilala amon ketegahan tadon aw sinu se menge batà te Timanem aw menge batà i Satanas. Aw doen otaw kenà metòlid se eg-inangen din aw wedad kedakel te pedowan din te menge doma otaw, yan se otaw kenà batà te Timanem.

1 Juan 3:12

Keilangan eked kidon peg-iling ki Cain migpesakop diyà ki Satanas, so nengimatay te adi din. Nengimatay sikandin so medaet se eg-inangen din, aw miningà te adi din eg-inang te metòlid.

1 Juan 3:15

so aw medaet se pedowan te otaw te doma, iling sikandin te nengimatay. Netegahan tadon den te wedad kaling pedowan wedad temanan diyà te otaw mengimatay te doma otaw.