Genesis 39:12 - Manobo Sarangani

¹² Yan minawid se bayi te buktun te saol i Jose, aw minikagi sikandin, “Layok ka den kanak.” Ayas limowà si Jose lekat te balay aw kimadas sikandin, meneng netenanan din se saol din inewidan te bayi.

Genesis 39:12 ပူးပေါင်းရင်းမြစ်များ

2 Timoteo 2:22

Yan se doun te keilangan eked ka peg-inabut te medaet mekeboyo te kaling otaw. Meneng keilangan megpekeaseb ka meg-inang te metòlid, aw somalig ka diyà te Timanem, aw megpedakel ka te pedowan no, aw megpekelinaw ka te pedowan nikaw, so yan se eg-inangen te kedita te otaw egtawal-tawal diyà te Pengolo tadon aw melobos se pedowan dan kandin.

1 Pedro 2:11

Meneng menge kedowa ko egkedekelan ko te pedowan, kenà keneyonan seini se ontò ogpeanan niyo, aw olò kaw iling te mepanaw dini lanto te tanà. Yan megpunù a den kenyo te keilangan eked kaw taking te medaet ibeg te lawa niyo, so pineokit kenyan kebàtan se pegtaking niyo te Timanem.

1 Korinto 15:33

Peg-ahà kaw amon eked kaw keekali, so kebàtan te otaw medaet se menge otaw tomaking kandan.

Genesis 39:10

Pengkey nemoyò sikandin ki Jose te kelikit te aldaw amon lomayok aw domoma kandin, meneng wedà sikandin penenalan kenyan.

Genesis 39:8

Meneng mig-eked si Jose, aw timaba sikandin, “Wedad palos keilangan eneng-enengen te amo ko so sineligan a din. Insalig din se kedakel te kedònan din diyà kanak.

Genesis 39:11

Doen sebad aldaw, minawop si Jose te balay so doen inangen din doton, aw wedad doma sineligan kidoen.

Genesis 39:13

Pegkità te esawa i Potifar te netenanan i Jose se saol din aw kimadas sikandin lekat te balay,