Genesis 38:24 - Manobo Sarangani

²⁴ Nayan, penga te menge telo se bolan, inindanan si Juda, “Iling te kepoyun se ogangan no si Tamar, so mebedes den sikandin.” Minikagi si Juda, “Engayi niyo sikandin aw sonogi niyo amon matay.”

Genesis 38:24 ပူးပေါင်းရင်းမြစ်များ

Roma 14:22

Pengkey eden se aneng-aneng niyo tepad te ketanem egtekingan niyo, ikà niyo egpetaga-taga kenyan diyà te doma otaw, so botong aw Timanem olò se metaga-taga kenyan. Meluba se otaw netaga-taga den te metòlid se ketanem pinemallì din egtekingan.

Genesis 34:31

Meneng timaba dan, “Eked kepakay diyà kenami aw lindoan se etebay day iling te kepoyun.”

Genesis 20:9

Penga niyan, impeangay i Abimelec si Abraham, aw minikagi sikandin, “Medaet se peg-akal no kenami. Eden lay se salà ininang ko diyà kamno amon ipedateng no se kededàtan diyà kanak aw menge sakop ko? Ininang no den diyà kanak se eked kepakay inangen.

Genesis 20:7

Nayan, olii se bayi diyà te esawa din. Si Abraham se telekeliwat te kagi ko, aw megtawal-tawal sikandin tepad kamno amon eked ka kematay. Meneng aw eked no sikandin olii, metoman ka matay sipat te kedita te sakop nikaw.”

Genesis 20:3

Meneng migpekità se Timanem diyà ki Abimelec pineokit te tegeinep, aw minikagi sikandin, “Matay ka den tandà te pegpengabat no te bayi sìyan, so tapay doen esawa din.”

Genesis 38:23

Minikagi si Juda, “Wedad beloyan. Kandin den se impondo ko amon eked ki den keyàyà. So pengkey begayan ko peden sikandin te kambing, meneng wedà no sikandin kitai.”