Genesis 38:23 - Manobo Sarangani

²³ Minikagi si Juda, “Wedad beloyan. Kandin den se impondo ko amon eked ki den keyàyà. So pengkey begayan ko peden sikandin te kambing, meneng wedà no sikandin kitai.”

Genesis 38:23 ပူးပေါင်းရင်းမြစ်များ

Impekità 16:15

Yan tinipon te telo bosaw se kedita te selotan aw sondalo dan kidoen te bontod iningedanan Armagidon diyà te kagi te Hebreo. Meneng minikagi se Pengolo, “Na, iling te pegdateng te menenakaw se pegdateng ko, so wedad metaga-taga aw kano. Mèpiya se otaw eked tedogi so megpeliman kanak. Meluba se otaw gayed egpenenaktun so meketagad te pegdateng ko amon eked sikandin keyàyà aw megkità a kandin.”

Efeso 5:12

Ontò medaet se eg-inangen dan kenà egkitaen te doma otaw, igsà mekeyèyaay se otaw mikagi tepad kenyan.

2 Korinto 4:2

Ontò ko pig-ekedan se medaet inang, sìyan megbolon aw mekeyàyà. Wedà a peglegawa te doma otaw. Meneng ontò ko binangal se pegtoladà te kagi te Timanem. Netegahan te Timanem te kebenalan se intoladà ko, aw netegahan iyan te kedita te otaw.

Roma 6:21

Meneng wedad ontong niyo lekat te ininang niyo kedengan, sìyan medaet egkeyèyaan niyo den songkani, so detengan te kemetayun wedad temanan se otaw eg-inang te salà iling kenyan.

Genesis 38:22

Penga niyan, limikò si Hiras doton ki Juda, aw minikagi, “Wedà ko kitai. Inikegiyan a te menge otaw eg-ogpà kidoen te wedad palos kepoyun kidoen.”

Genesis 38:24

Nayan, penga te menge telo se bolan, inindanan si Juda, “Iling te kepoyun se ogangan no si Tamar, so mebedes den sikandin.” Minikagi si Juda, “Engayi niyo sikandin aw sonogi niyo amon matay.”