Genesis 37:9 - Manobo Sarangani

⁹ Todà migtegeinep si Jose, aw yan se in-indan din diyà te menge kedowa din, kagi din, “Todà a migtegeinep, aw kinità ko se aldaw, aw bolan, aw sempolò tegusà se bitoen tigkan limongken diyà kanak.”

Genesis 37:9 ပူးပေါင်းရင်းမြစ်များ

Genesis 37:7

Peglegani tadon te trigo doton te pawà, nemagkes kidon te ginani tadon. Tigkan neketindeg se kanak bagkes nelibedan te kenyo bagkes, aw limongken se bagkes niyo aw migsagman dan te bagkes ko.”

Filipos 2:15

amon wedad mekesila kenyo menge batà te Timanem. Pengkey eg-ogpà kaw doma te otaw eg-inang te medaet aw nelegeb te salà, meneng keilangan melobos se pedowan niyo aw metòlid se eg-inangen niyo. Iling kaw te menge bitoen eg-anyag kidoen te langit, so egkitaen kaw te doma otaw kenà egtaking te Timanem,

Genesis 47:12

Doen heman kànen imbegay i Jose diyà te amay din, aw menge kedowa din, aw menge doma otaw diyà te pamilya te amay din sipat te menge mengisù dan.

Genesis 46:29

simakay si Jose te kelisa din, aw dimoton sikandin te Gosen amon somongon te amay din. Pegdateng din, kinelesan din se amay din, aw migkelag te ontò nenamay.

Genesis 45:9

“Kegaen kaw den olì doton te amay tadon, aw peg-indan kaw kandin, ‘Seini se inikagi te batà no si Jose. Impelowan a den te Timanem dini te kebelad te Ehipto. Keilangan meg-ayas kaw dini kanak.

Genesis 44:19

Sir, kedengan mig-insà ka diyà kenami aw doen amay day aw kedowa day.

Genesis 44:14

Pegdateng i Juda aw menge kedowa din doton te balay i Jose, kidoen pa sikandin. Tigkan dan limongken taman te tanà.

Genesis 43:28

Timaba dan, “Sir, wedà pa kematay se amay day, meneng mèpiya pa se pegkesawol din.” Penga niyan, limongken dan aw migsagman dan kandin.

Genesis 41:32

Mekedowa ka pegtegeinep amon ketegahan no te yan se metoman inangen te Timanem, aw tomanen din iyan te eked kenamay.

Genesis 41:25

Minikagi si Jose diyà te selotan, “Sir, olò sebad se kedegdagan te didowa tegeinep nikaw. Impetaga-taga te Timanem diyà kamno aw eden se inangen din.

Genesis 37:10

Meneng peg-indan din kenyan diyà te amay din aw menge kedowa din, nenompelà se amay din kandin, kagi din, “Eden lebò se kedegdagan te sìyan tegeinep nikaw? Lomongken a lay diyà kamno sipat te inay nikaw aw menge kedowa nikaw?”

Genesis 37:8

Minikagi se menge kedowa din, “Eden no aw meinang ka selotan day. Eden no aw lomowan ka diyà kenami.” Penga niyan, labi dan pa nebensi kandin tandà te tegeinep din aw tandà te inikagi din diyà kandan.

Genesis 20:3

Meneng migpekità se Timanem diyà ki Abimelec pineokit te tegeinep, aw minikagi sikandin, “Matay ka den tandà te pegpengabat no te bayi sìyan, so tapay doen esawa din.”

Genesis 42:6

Si Jose se gobirnador kidoen te Ehipto, aw sikandin se nemeligyà te kànen diyà te kedita te otaw lekat te menge doma ogpeanan. Yan pegdateng te menge kedowa i Jose doton te Ehipto, dimoton dan kandin aw limongken dan lamig minapet se olo dan diyà te tanà.

Genesis 43:26

Peg-olì i Jose, imbegay dan kandin se bowang inibing dan, aw limongken dan lamig minapet se olo dan diyà te tanà.