Genesis 37:7 - Manobo Sarangani

⁷ Peglegani tadon te trigo doton te pawà, nemagkes kidon te ginani tadon. Tigkan neketindeg se kanak bagkes nelibedan te kenyo bagkes, aw limongken se bagkes niyo aw migsagman dan te bagkes ko.”

Genesis 37:7 ပူးပေါင်းရင်းမြစ်များ

Genesis 44:14

Pegdateng i Juda aw menge kedowa din doton te balay i Jose, kidoen pa sikandin. Tigkan dan limongken taman te tanà.

Genesis 42:6

Si Jose se gobirnador kidoen te Ehipto, aw sikandin se nemeligyà te kànen diyà te kedita te otaw lekat te menge doma ogpeanan. Yan pegdateng te menge kedowa i Jose doton te Ehipto, dimoton dan kandin aw limongken dan lamig minapet se olo dan diyà te tanà.

Genesis 43:26

Peg-olì i Jose, imbegay dan kandin se bowang inibing dan, aw limongken dan lamig minapet se olo dan diyà te tanà.

Genesis 42:9

Neeneng-enengan din se tegeinep din tepad kandan, aw minikagi sikandin, “Kenà. Dimini kaw amon megsimà kaw te kelomayan day amon domaeg kaw kenami.”

Kolasas 1:18

Sikandin se olo tadon, aw iling kidon te lawa din, so sikandin se egpengibing te kedita tadon egpemenal. Sikandin se egpemegay kenitadon te kaling pedowan, aw sikandin se tagnà neantay lekat te nematay eked palos todà kematay amon mengolo sikandin diyà te kedita te otaw meantay lekat te nematay. Yan se doun te wedad pa labi melangkaw diyà kandin,

Filipos 2:10

Amon lomongken se kedita diyà kandin, pengkey eg-ogpà dan doton te langit, aw dini lanto te tanà, aw pengkey doton didalem te tanà. Domuyun se kedita dan te ngadan i Jesus,

Genesis 44:19

Sir, kedengan mig-insà ka diyà kenami aw doen amay day aw kedowa day.

Genesis 27:29

Ibeg ko medita se pongan meinang sineligan nikaw, aw medita se otaw lomongken diyà kamno. Mengolo ka diyà te kedita te kedomaan nikaw, aw toloen ka te kedita te kedowa nikaw. Ipelumun te Timanem se kedita te otaw megtompuyus kamno, aw mèpiya se ibegay din diyà te kedita te otaw memegay te mèpiya diyà kamno.”

Genesis 37:6

so minikagi sikandin, “Penenalan kaw tepad te tegeinep ko.

Genesis 43:28

Timaba dan, “Sir, wedà pa kematay se amay day, meneng mèpiya pa se pegkesawol din.” Penga niyan, limongken dan aw migsagman dan kandin.

Genesis 44:18

Penga niyan, migpedapag si Juda diyà ki Jose aw minikagi sikandin, “Sir, aw mepakay diyà kamno, ibeg ko mikagi a peden diyà kamno. Ikà bag egkeopal diyà kanak. Onawa te kelangkaw te selotan se kelangkaw nikaw.

Genesis 50:18

Penga niyan, dimoton se menge kedowa din kandin, aw limongken dan diyà kandin. Minikagi dan, “Dimini kay den amon inangen kay menge allang nikaw.”