Genesis 37:4 - Manobo Sarangani

⁴ Pegkità te menge kedowa din te ontò sikandin nedekelan te pedowan te amay dan, nebensi dan ki Jose, aw wedad palos mèpiya kagi dan diyà kandin.

Genesis 37:4 ပူးပေါင်းရင်းမြစ်များ

Genesis 27:41

Gayed nebensi si Esau ki Jacob so migtawal-tawal se amay dan amon si Jacob se begayan te Timanem te ontò mèpiya. Minikagi si Esau, “Eked den kenamay matay si Amà, aw penga niyan imetayan ko si Jacob.”

1 Juan 4:20

Aw mikagi se otaw te dakel se pedowan din te Timanem, meneng wedad kedakel te pedowan din te menge doma otaw, yan se bolelawun, so aw wedad kedakel te pedowan te otaw te menge doma din egkitaen, yan labi pa wedad kedakel te pedowan din te Timanem kenà din egkitaen.

1 Juan 3:12

Keilangan eked kidon peg-iling ki Cain migpesakop diyà ki Satanas, so nengimatay te adi din. Nengimatay sikandin so medaet se eg-inangen din, aw miningà te adi din eg-inang te metòlid.

1 Juan 2:11

Meneng se otaw egkebensi te menge doma otaw, yan se otaw eg-ogpà pa aw eglegeb diyà te kengitngitan. Eked sikandin ketaga-taga aw kenan sikandin pesalo, so eked sikandin kità tandà te kengitngit.

Genesis 37:5

Nayan, migtegeinep si Jose, meneng peg-indan din tepad te tegeinep din diyà te menge kedowa din, labi dan pa nebensi kandin,

Genesis 4:5

Meneng wedà keluba se Timanem ki Cain aw sìyan imbegay din. Yan ontò neopal si Cain aw timàmod.

Tito 3:3

so sikitadon egpemenal, wedad heman inenengen tadon kedengan, aw metugul kidon, aw wedà kidon taking te ibeg te Timanem. Neallang kidon te mededaet ibeg te pedowan tadon aw menge kelubahan medaet. Gayed kidon eg-aneng-aneng tepad te medaet inangen tadon diyà te doma otaw, aw gayed kidon eg-ingà. Nebensihan kidon te doma otaw aw nebensi kidon heman kandan.

Genesis 49:23

Doen otaw meglompak kandin aw memanà kandin,

Genesis 37:11

Gayed miningà se menge kedowa i Jose kandin, meneng gayed mig-aneng-aneng se amay din tepad te kedegdagan niyan.

1 Juan 3:10

Seini se pengilala amon ketegahan tadon aw sinu se menge batà te Timanem aw menge batà i Satanas. Aw doen otaw kenà metòlid se eg-inangen din aw wedad kedakel te pedowan din te menge doma otaw, yan se otaw kenà batà te Timanem.

Mar. 3:25

Simpana megbebolaw se otaw migsebad te balay, kebàtan se ogpeanan dan te eked kenamay.