Genesis 37:27 - Manobo Sarangani

²⁷ Meneng labi pa mèpiya aw ibeligyà tadon sikandin diyà te menge bowad-bowad i Ismael sida. Eked kepakay aw imetayan tadon sikandin, so telekedowa kidon aw sebad olò se amay tadon.” Yan timandù heman se menge kedowa din.

Genesis 37:27 ပူးပေါင်းရင်းမြစ်များ

Mat. 16:26

Simpana tig-epoen te otaw se kedakel te keneyonan, aw penga niyan matay sikandin aw ipelumun doton te kilot, wedad ontong din, so eked kebeyadi se kaling pedowan wedad temanan.

Genesis 42:21

Penga niyan, migpebelaw-belaway dan, “Na, dinetengan kidon den te kelimahan seini tandà te medaet ininang tadon diyà te kedowa tadon kedengan. Pegpengenganay din kenitadon, pengkey kinità tadon se kelimahan din, meneng wedà tadon sikandin penenelani. Yan se doun te dinetengan kidon te kelimahan seini.”

Impekità 18:13

Wedad heman mayad te ibeligyà dan, menge kaningag aw menge doma kemolò te enagay, aw metinadeg sonogen, aw sìyan bebolong iningedanan mira, aw litek metinadeg, aw bino, aw lana, aw arina, aw trigo, aw baka, aw karniro, aw kodà, aw keriton, aw allang, aw pengkey otaw wedad ontong.

1 Timoteo 1:10

Doen punù amon segdahen se otaw eglayok te kenà kandan esawa, aw bayot, aw otaw eg-agaw te doma otaw, aw bolelawun, aw otaw egkebolalaw te pegsistigos dan, aw pengkey eden se medaet inangen te otaw kenà egtaking te kebenalan ipegtoladà tadon.

Mat. 26:15

aw minikagi sikandin, “Aw itolok ko sikandin amon dekepen niyo, pila lay se kwarta ibegay niyo kanak?” Penga niyan, doen kwarta imbegay dan diyà kandin ketlowan plata.

Genesis 37:22

Ikà niyo egpeeleg kandin, meneng botong aw idagdag tadon sikandin doton te medalem sokian doton te kebigtilan amon matay sikandin te wedad megpeeleg kandin.” Yan se inikagi i Ruben so ibeg din ipelowà din si Jose amon ibingen din doton te amay din.

Genesis 29:14

Penga niyan, minikagi si Laban, “Ontò ka anak ko.” Penga niyan, mig-ogpà si Jacob kidoen te sebad se bolan.

Genesis 50:20

Pengkey medaet se tod niyo kanak, meneng ininang te Timanem iyan mèpiya, amon medita se otaw eked kematay te bitil, aw yan se doun te neantay kidon pa songkani.