Genesis 37:18 - Manobo Sarangani

¹⁸ Pengkey mediyò pa sikandin, kimilala se menge kedowa din kandin. Te wedà pa sikandin dateng doton kandan, miglalang dan te imetayan dan sikandin.

Genesis 37:18 ပူးပေါင်းရင်းမြစ်များ

Ininang 23:12

Keeldawan niyan, doen menge Judiyo kenà egpemenal migsebad te pedowan mengimatay ki Pablo. Migpepekangay dan te eked dan kaen singed aw imetayan dan si Pablo.

Mar. 14:1

Nayan, dowa mendad se aldaw te pegdateng te Pista te Pegpelowà. Yan se pegpengaen dan te pan kenà eglebag. Gayed mig-aneng-aneng se menge pengolo te simbahan aw menenoladà te punù aw eden se inangen dan amon dekepen dan si Jesus te wedad pa doma otaw metaga-taga amon imetayan dan.

Juan 11:53

Lekat te aldaw sìyan, gayed dan miglalang te pegpengimatay kandin.

Mar. 12:7

Meneng pegdateng te batà din doton, migpebelaw-belaway dan, ‘Seini se meketig-apò te tanà seini aw matay se amay din. Mèpiya aw imetayan tadon sikandin amon sikitadon den se meketig-apò te tanà seini.’

Mat. 27:1

Nayan, peglibtak te aldaw sìyan, netipon se kedita te pengolo te simbahan aw menge obanen te Judiyo, aw miglalang dan aw eden se idimanda dan diyà te gobirno tepad ki Jesus amon imetayan sikandin.

Mat. 21:38

Meneng pegdateng te batà din doton, migpebelaw-belaway dan, ‘Seini se meketig-apò te tanà seini aw matay se amay din. Mèpiya aw imetayan tadon sikandin amon sikitadon se meketig-apò te tanà seini.’

Genesis 37:19

Migpebelaw-belaway dan, “Migpesalo den dini se otaw sìyan gayed egtegeinep.

Genesis 27:41

Gayed nebensi si Esau ki Jacob so migtawal-tawal se amay dan amon si Jacob se begayan te Timanem te ontò mèpiya. Minikagi si Esau, “Eked den kenamay matay si Amà, aw penga niyan imetayan ko si Jacob.”

Genesis 50:15

Nayan, so nematay den si Jacob, migpebelaw-belaway se menge kedowa i Jose, kagi dan, “Megmeno kidon aw keopalan kidon den i Jose, aw megmalit den sikandin kenitadon tandà te medaet ininang tadon kandin?”

Genesis 50:20

Pengkey medaet se tod niyo kanak, meneng ininang te Timanem iyan mèpiya, amon medita se otaw eked kematay te bitil, aw yan se doun te neantay kidon pa songkani.