Genesis 37:15 - Manobo Sarangani

¹⁵ miglegeb sikandin aw nengemahà te menge kedowa din. Doen otaw kimità kandin aw mig-insà aw eden se inahà din kidoen.

Genesis 37:15 ပူးပေါင်းရင်းမြစ်များ

Juan 20:15

Mig-insà si Jesus, “Atà, nengà lay migkelag ka? Sinu lay se inahà nikaw?” Meneng mig-aneng-aneng si Maria te sikandin se otaw egtonggò te kekeyowan sìyan, aw yan se doun te minikagi sikandin, “Sir, aw sikona se nengabat te lawa din, indani a aw kenan iyan soli, so ibingen ko.”

Juan 18:7

Todà mig-insà si Jesus, “Sinu lay se inahà niyo?” Timaba dan, “Si Jesus tege Nasarit.”

Juan 18:4

Nayan, tapay netaga-taga si Jesus aw eden se domateng kandin. Yan pegdateng te menge otaw timaking ki Judas, simongon si Jesus kandan aw mig-insà, “Sinu lay se inahà niyo?”

Juan 4:27

Dalem pa te peg-ikagi i Jesus kandin, dimateng se menge tinoledaan din. Ontò dan nepela te minikagi si Jesus diyà te bayi. Meneng wedad palos mig-insà aw eden se ibeg te bayi kandin. Wedà dan heman peg-insà te nengà lay minikagi si Jesus diyà kandin.

Juan 1:38

Pegbiling i Jesus, kinità din te timaking dan kandin, aw mig-insà, “Eden lay se pinengemahà niyo?” Timaba dan, “Rabi.” (Se kelebadan niyan, “Menenoladà.”) “Kenan ka lay peg-ogpà?”

Genesis 21:14

Pegkeiselem niyan, limapos si Abraham nemegay te kànen aw sesalok nepenò te wayeg diyà ki Agar amon bebaen din, aw impekesayo din si Agar aw batà din. Dimoton dan te kebigtilan te Berseba, aw miglegeb-legeb dan kidoen.

Genesis 37:14

Minikagi se amay din, “Doton ka, aw laoy ka kandan aw menge ayam-ayam egtonggoan dan. Penga niyan, likò ka dini amon ketegahan ko se pegkesawol dan.” Yan timolò si Jose te sogò te amay din, aw nesayo lekat te Baog te Hebron. Pegdateng i Jose doton te Sikem,

Genesis 37:16

Timaba si Jose, “Nengemahà a te menge kedowa ko. Indani a bag aw kenan dan pegpeloyaw te menge ayam-ayam dan.”