Genesis 37:11 - Manobo Sarangani

¹¹ Gayed miningà se menge kedowa i Jose kandin, meneng gayed mig-aneng-aneng se amay din tepad te kedegdagan niyan.

Genesis 37:11 ပူးပေါင်းရင်းမြစ်များ

Ininang 7:9

“Doen sebad batà i Jacob si Jose. Miningà se menge kedowa din, aw imbeligyà dan sikandin, aw yan pig-allang doton te Ehipto. Meneng tinebangan te Timanem sikandin

Luc. 2:51

Penga niyan, timaking si Jesus kandan aw minolì doton te Nasarit, aw timolò te amay aw inay din. Si Maria, insawol din se kedita niyan diyà te pedowan din aw mig-aneng-aneng kenyan.

Luc. 2:19

Meneng si Maria, insawol din se kedita te kagi dan diyà te pedowan din, aw gayed mig-aneng-aneng kenyan.

Santiago 4:5

Eden niyo aw wedad ketomanan te kagi te Timanem, te insogò din se Espiritu Santo meg-ogpà diyà te pedowan tadon, aw ibeg din ontò melobos se pedowan tadon diyà kandin.

Tito 3:3

so sikitadon egpemenal, wedad heman inenengen tadon kedengan, aw metugul kidon, aw wedà kidon taking te ibeg te Timanem. Neallang kidon te mededaet ibeg te pedowan tadon aw menge kelubahan medaet. Gayed kidon eg-aneng-aneng tepad te medaet inangen tadon diyà te doma otaw, aw gayed kidon eg-ingà. Nebensihan kidon te doma otaw aw nebensi kidon heman kandan.

Galasya 5:21

egkeibeg te kedònan te doma otaw, metiinem, eg-inang te pengkey eden se ibeg dan inangen, aw doma pa medaet inang iling kani. Sinagda ko sikiyo kedengan, meneng todà a megsagda kenyo seini. Se menge otaw eg-inang te medaet iling kenyan, yan se eked pekeakop diyà te peglowan te Timanem.

Ininang 13:45

Meneng ontò miningà se menge Judiyo kenà egpemenal so kinità dan se medita otaw netipon. Yan migsawal dan ki Pablo aw migtompuyus dan heman kandin.

Mar. 15:10

Yan se inikagi i Pilato, so netegahan din te impedakep te menge pengolo te simbahan si Jesus so miningà dan kandin.

Mat. 27:18

Yan se inikagi i Pilato, so netegahan din te impedakep te menge pengolo te simbahan si Jesus so miningà dan kandin.

Genesis 24:31

Minikagi si Laban, “Mèpiya se imbegay te Timanem diyà kamno. Taking ka den kanak doton te balay ko. Ikà eg-ogpà dini, so doen tambì impetagad ko den kamno, aw doen heman kelokob te menge kamilo nikaw.”

Genesis 37:12

Doen sebad aldaw, nengibing se menge kedowa i Jose te menge ayam-ayam te amay dan doton te Sikem amon ipeloyaw kidoen.

Genesis 42:9

Neeneng-enengan din se tegeinep din tepad kandan, aw minikagi sikandin, “Kenà. Dimini kaw amon megsimà kaw te kelomayan day amon domaeg kaw kenami.”