Genesis 35:3 - Manobo Sarangani

³ Pegpeketagad kaw den, so domoton kidon te Betel. Meg-inang a te sonoganan te ayam-ayam kidoen amon megsimba a te Timanem. Pegdateng te kelimahan diyà kanak kedengan, tinebangan a din, aw gayed a din egdomaan pengkey kenan a pesalo.”

Genesis 35:3 ပူးပေါင်းရင်းမြစ်များ

Genesis 32:7

Yan nelemitan si Jacob, aw netetana se pedowan din. Tinengà din se otaw timaking kandin, aw tinengà din heman se menge karniro, kambing, baka, aw kamilo din.

Genesis 31:3

Minikagi se Timanem diyà ki Jacob, “Olì ka den doton te tanà inogpaan te amay nikaw, apò nikaw, aw menge kedomaan nikaw. Domaan ta sikona.”

Genesis 31:42

Meneng tinebangan a te Timanem egseligan te apò ko si Abraham aw amay ko si Isaac. Aw wedà a din tebangi, nenamay a nikaw den impekesayo te wedad palos ontong ko. Meneng kinità te Timanem se kelimahan ko aw pagod ko, aw yan tinompelà ka din tidelem.”

Genesis 32:24

Olò si Jacob se wedà batas. Penga niyan, doen migpekità diyà ki Jacob aw migpeliyangay dan lamig te iselem.

Genesis 28:15

Na, domoma a kamno aw meg-ipat a kamno pengkey kenan ka pesalo. Siak se megpeolì kamno dini te tanà seini. Gayed a domoma kamno lamig tomanen ko se kedita te impakang ko diyà kamno.”

Genesis 35:4

Yan imbegay dan diyà ki Jacob se kedita te inotaw dan aw menge belenigan inaritis dan, aw inlebeng din iyan doton te siyong te olayan kidoen te Sikem.

Genesis 35:7

Mig-inang sikandin te sonoganan te ayam-ayam kidoen, aw iningedanan din se tanà sìyan Timanem te Betel, so migpekità se Timanem diyà kandin kidoen kedengan te pegkadas din lekat te kedowa din.

Genesis 48:15

Penga niyan, migtawal-tawal sikandin amon begayan te Timanem si Jose te mèpiya, kagi din, “E Timanem, sikona se egseligan te menge kemonaan ko si Abraham aw si Isaac. Sikona se gayed mig-ipat kanak lamig songkani.