Genesis 35:2 - Manobo Sarangani

² Yan minikagi si Jacob diyà te pamilya din aw diyà te menge sakop din, “Pegbàti niyo den se kedita te inotaw niyo, sìyan egsimbahen te menge doma otaw wedà ketaga-taga te Timanem. Pemedigos kaw den aw peg-ekas kaw amon ipetaga-taga niyo te Timanem olò se toloen niyo.

Genesis 35:2 ပူးပေါင်းရင်းမြစ်များ

Santiago 4:8

Aw megpedapag kaw diyà te Timanem, megpedapag heman sikandin diyà kenyo. Sikiyo eg-inang te salà, lengà kaw den. Sikiyo otaw egdowa-dowa te kenyo pegpenimanem, ontò niyo den lobosi se pedowan niyo.

Menge Hebreo 10:22

Keilangan megpedapag kidon den diyà te Timanem te doen pegkelobos te pedowan tadon somalig diyà kandin. Melinis den se pedowan tadon aw aneng-aneng tadon so iling te winilikan kidon te dipanog aw lininisan kidon te wayeg.

Genesis 18:19

Pinemallì ko sikandin amon megtoladà sikandin te menge batà din aw menge bowad-bowad din te keilangan tomolò dan kanak, aw keilangan meg-inang dan te metòlid. Aw yan se inangen dan, tomanen ko se kedita te impakang ko diyà kandin.”

2 Korinto 7:1

Menge kedowa ko egkedekelan ko te pedowan, so yan se menge pakang te Timanem kenitadon, mèpiya aw ontò tadon lobosen se aneng-aneng aw eg-inangen tadon, amon ontò kidon megketòlid pineokit te pegtolò tadon te Timanem.

Genesis 31:34

Tapay in-eles i Raquel se inotaw doton te siyà te kamilo din, aw nenenoo sikandin kidoen. Kinelokad i Laban se kedita te kedònan doton te tolda inogpaan din, meneng wedad palos kinità din.

Genesis 31:19

Pegkesayo dan, wedad kidoen si Laban, so dimoton sikandin te menge karniro din impeloyaw amon meglegonting kenyan. Nengabat si Raquel te menge inotaw lekat te balay te amay din.

Judas 1:23

Pegtabang kaw kandan, so iling te megpelowà kaw kandan lekat te apoy. Keidowi niyo heman se menge doma otaw mig-inang te medaet, meneng peg-ahà kaw amon eked kaw keboyo meg-iling kandan.

Galasya 4:8

Na, kedengan te wedà niyo pa ketegahi se Timanem, neallang kaw te kenà benal timanem egtekingan niyo.

1 Korinto 10:7

Yan ikà niyo egsimba te kenà benal timanem, iling te ininang te medita doma dan. Doen kagi te Timanem insolat te kelikit te pegsimba dan te kenà benal timanem, gayed dan kimaen aw mininem, aw penga niyan simayaw dan.

Ininang 19:26

Meneng kinità niyo den besi si Pablo, aw dinineg niyo heman se inikagi din. Wedad son din kekemowan te inotaw eg-inangen te otaw, so kenà ekon timanem. Medita se otaw nenenalan kandin, pengkey dini te Efeso aw doton heman te kedita te doma lonsod te Asya.

Genesis 35:22

Dalem te peg-ogpà i Jacob kidoen te tanà sìyan, limayok si Ruben diyà te sebad esawa te amay din si Bilha, aw dimineg si Jacob tepad kenyan. Sempolò teg dowa se batà meama i Jacob.

Genesis 34:2

Kinità sikandin i Sikem batà meama te datò kidoen si Hamor tege Hebi. Dinakep i Sikem si Dina, aw lineyokan din.

Genesis 31:30

Netegahan ko te nesayo ka den so ibeg no molì ka doton te amay nikaw. Meneng nengà lay tinakaw no se menge inotaw lekat te balay ko?”