Genesis 34:7 - Manobo Sarangani

⁷ Dalem niyan, minolì se menge batà i Jacob. Pegdineg dan te lineges i Sikem si Dina, ontò nepuluk se pedowan dan aw ontò dan neopal, so pigyàyà i Sikem se menge batà i Israel, aw eked iyan kepakay inangen.

Genesis 34:7 ပူးပေါင်းရင်းမြစ်များ

Menge Hebreo 13:4

Keilangan meg-aneng-aneng se kedita te otaw te meelagà se pegkelobos te pedowan te teleesawa. Keilangan wedad otaw lomakad te kandin esawa, so megpelumun se Timanem te kedita te otaw lomakad aw lomayok te kenà kandin esawa.

Genesis 20:9

Penga niyan, impeangay i Abimelec si Abraham, aw minikagi sikandin, “Medaet se peg-akal no kenami. Eden lay se salà ininang ko diyà kamno amon ipedateng no se kededàtan diyà kanak aw menge sakop ko? Ininang no den diyà kanak se eked kepakay inangen.

1 Pedro 2:9

Meneng kenà kaw iling kandan, so sikiyo se pinemallì te Timanem aw ininang kaw menge batà din. Ininang kaw din menge pengolo te simbahan eglowanan i Cristo. Ininang kaw din menge sakop din egpenimanem, aw tinig-apò kaw din heman. Pinemallì kaw din amon meg-indan kaw te doma otaw tepad te menge mèpiya ininang din diyà kenyo, so pegtawal din kenyo amon megpesakop kaw diyà kandin, inalin kaw din lekat te kengitngit doton te mèpiya kelowahan din.

Santiago 3:10

Lekat te sebad bahà lomowà se kagi mèpiya aw medaet. Menge kedowa ko, eked inì kepakay inangen. Keilangan ontò mèpiya se kagi tadon eked sengedi te medaet,

Efeso 5:3

So sakop kaw te Timanem, ikà niyo eglayok te kenà kenyo esawa. Ikà niyo egkapoy. Ikà niyo eg-ingà. Keilangan ketegahan te wedad palos eg-inangen niyo iling kenyan.

1 Korinto 10:8

Eked kepakay aw lomayok kidon te kenà kenitadon esawa, iling te ininang te medita doma dan, so yan se doun te impelumun dan te Timanem, aw kelowan teg telo melalan se otaw negelà te sebad olò se aldaw.

1 Korinto 6:18

Ikà niyo eg-inabut te kenà kenyo esawa. Se lawa, wedad labut te kedita te doma salà, meneng se otaw eglayok te kenà kandin esawa, mekesalà sikandin pineokit te lawa din.

Genesis 46:7

menge batà din meama aw bayi, aw menge apò din heman meama aw bayi.

1 Timoteo 5:13

Megketaka dan heman, aw meglegeb-legeb dan doton te menge doma balay. Kenà olò dan megketaka, meneng megkebelikbikun dan heman, aw meg-inabut dan te doma, aw mikagi dan tepad te eked kepakay iindan.

Kolasas 3:5

Yan, so iling te nematay kaw den doma ki Cristo, keilangan imetayan niyo se ibeg te pedowan niyo meg-inang te medaet iling te ininang niyo kedengan. Ikà niyo eglayok te kenà kenyo esawa. Ikà niyo egkapoy. Ikà niyo egkeboyo te medaet pengkey lekat iyan te kenyo pedowan. Ikà niyo eg-ingà te kedònan te doma otaw, so iling iyan te pegsimba niyo diyà te kenà benal timanem.

Genesis 34:6

Dimoton si Hamor amay i Sikem ki Jacob amon megsontal dan.

Genesis 34:8

Meneng minikagi si Hamor diyà kandan, “Ontò dakel se pedowan te batà ko si Sikem diyà te batà no si Dina. Pepengognani niyo bag sikandin diyà kandin.