Genesis 34:22 - Manobo Sarangani

²² Meneng eked dan keibeg meg-ogpà dini kenitadon amon meinang kidon sebad pongan singed aw megpetolì se kedita tadon meama iling heman kandan.

Genesis 34:22 ပူးပေါင်းရင်းမြစ်များ

Genesis 34:21

“Ibeg te menge otaw sida megpesigelakay kidon. Mèpiya aw ipeogpà tadon dan dini kenitadon. Mepakay aw megnigosyo dan heman dini, so doen pa keombaan te tanà seini. Mèpiya heman aw megpepengognanay se menge batà tadon aw menge batà dan.

Genesis 34:23

Aw yan se inangen tadon, metig-apò tadon kwani se kedita te ayam-ayam dan aw kedakel te keyemanan dan. Yan mèpiya aw megsebad kidon tepad kenyan amon meg-ogpà dan dini kenitadon.”

Genesis 17:10

Seini se pengilala tepad te pakang ko keilangan inangen no sipat te kedita te bowad-bowad nikaw. Keilangan tolien se kedita te meama kidoen kamno.