Genesis 34:12 - Manobo Sarangani

¹² Indani a niyo aw eden se isablag ko aw ibowang ko, so pengkey eden se pemoyoen niyo, yan se ibegay ko diyà kenyo. Pepengognani a niyo bag kandin.”

Genesis 34:12 ပူးပေါင်းရင်းမြစ်များ

Mat. 14:17

Minikagi dan, “Meneng doen olò lima se pan, aw didowa se ikan.”

Genesis 31:41

Yan se kelimahan ko dalem te kelowan se omay te pegterbaho ko diyà kamno. Sempolò teg epat se omay se pegterbaho ko diyà kamno amon isablag ko te didowa batà nikaw. Enem se omay se pegterbaho ko diyà kamno amon ibayad ko te menge ayam-ayam seini, aw mekesempolò nikaw todai se pakang no tepad te itandan no diyà kanak.

Genesis 29:18

Ontò dakel se pedowan i Jacob diyà ki Raquel, aw yan minikagi sikandin, “Aw mepakay pengognanen ko si Raquel, megterbaho a dini kamno te pito se omay.”

Genesis 24:53

Penga niyan, inokal din se menge bowang, menge penenaktun, aw selapì aw bolawan, aw imbegay din iyan diyà ki Rebecca. Doen heman menge meelagà imbowang din diyà te kedowa din aw inay din.

Genesis 34:11

Penga niyan, minikagi si Sikem diyà te amay aw menge kedowa i Dina, “Aw keidowan a niyo aw ibegay niyo diyà kanak se bayi sìyan, pengkey eden se pemoyoen niyo, yan se ibegay ko diyà kenyo.

Genesis 34:13

Meneng pegtaba te menge batà i Jacob diyà ki Sikem aw amay din si Hamor, mig-akal dan kandan so lineges se etebay dan si Dina.