Genesis 34:1 - Manobo Sarangani

¹ Na, si Dina se batà laga i Jacob aw si Lea. Doen sebad aldaw, miglegeana si Dina doton te menge laga mig-ogpà kidoen.

Genesis 34:1 ပူးပေါင်းရင်းမြစ်များ

Genesis 30:21

Pegkenamay-namay, tinebawan si Lea te batà bayi, aw iningedanan din se batà din ki Dina.

1 Timoteo 5:13

Megketaka dan heman, aw meglegeb-legeb dan doton te menge doma balay. Kenà olò dan megketaka, meneng megkebelikbikun dan heman, aw meg-inabut dan te doma, aw mikagi dan tepad te eked kepakay iindan.

Genesis 46:15

Yan se menge batà meama i Jacob timebaw diyà ki Lea doton te Mesopotamya. Doen heman batà dan bayi si Dina. Ketlowan teg telo se menge bowad-bowad i Jacob aw si Lea.

Genesis 30:13

Minikagi si Lea, “Ontò neluba se pedowan ko! Mikagi se menge doma bayi te ontò a neluba.” Yan iningedanan din se batà din ki Aser (kelebadan niyan, keluba).

Genesis 28:6

Nayan, netaga-taga si Esau te migtawal-tawal si Isaac amon mèpiya se ibegay te Timanem diyà ki Jacob, aw insogò din sikandin doton te Mesopotamya amon mengognan kidoen. Netaga-taga heman sikandin te pegtawal-tawal i Isaac tepad kandin, migpunù sikandin te eked din pengognani se bayi tege Canaan.

Genesis 27:46

Minikagi heman si Rebecca diyà ki Isaac, “Ontò melima se peg-ogpà ko doma te menge ogangan ta tege Heti. Aw pengognanen i Jacob se tege Heti iling te didowa bayi pinengognan i Esau, labi pa mèpiya aw matay a.”

Genesis 26:34

Peg-apet te kepatan se omay i Esau, pinengognan din si Judita batà i Beeri tege Heti. Pinengognan din heman si Basimat batà i Elon tege Heti heman.

Tito 2:5

Megtoladà dan heman te menge kaling bayi te keilangan megpetikbel dan, aw megpelobos te pedowan dan diyà te esawa dan. Keilangan megpekeaseb dan megterbaho. Keilangan tomolò dan te esawa dan. Aw iling kenyan se eg-inangen dan, wedad otaw mekesila te kagi te Timanem ipegtoladà tadon.

Genesis 33:20

Mig-inang si Jacob te sonoganan te ayam-ayam ibegay diyà te Timanem, aw iningedanan din iyan El Elohe Israel (kelebadan niyan, magsen se Timanem egseligan i Israel).