Genesis 33:9 - Manobo Sarangani

⁹ Meneng minikagi si Esau, “Botong den se kanak. Kamno den iyan.”

Genesis 33:9 ပူးပေါင်းရင်းမြစ်များ

Genesis 27:39

Minikagi si Isaac diyà kandin, “Meg-ogpà ka doton te tanà wedad kelambò aw eked elemi te namog.

Filemon 1:7

Ontò neluba se pedowan ko tandà te kedakel te pedowan no te menge doma otaw. Neantag se pedowan ko, so pineokit kamno neluba se kedita te otaw migpesakop diyà te Timanem.

Filemon 1:16

Lekat seini kenà den sikandin olò allang no, meneng labi den sikandin meelagà diyà te allang, so kedowa no den sikandin tandà te pegpemenal din ki Cristo. Ontò sikandin meelagà kanak, meneng labi pa meelagà kamno, kenà olò so allang no sikandin, meneng meelagà so kedowa no den sikandin tandà te pegpemenal din te Pengolo tadon.

Ininang 21:20

Pegdineg dan kenyan, induyun dan se Timanem. Penga niyan, minikagi dan diyà ki Pablo, “Mèpiya so nemenal den se menge otaw kenà Judiyo, meneng ikà egkelibel te minelalan heman se Judiyo nemenal ki Jesus. Measeb dan pa egtolò te punù ingkeliwat i Moises.

Ininang 9:17

Penga niyan, dimoton si Ananias te balay inogpaan i Saulo. Peg-awop din, pinemàdan din si Saulo aw minikagi, “Kedowa ko, insogò a te Pengolo si Jesus, sìyan migpekità diyà kamno doton te dalan. Insogò a din dini kamno amon todà ka komità, aw amon domateng se Espiritu Santo kamno.”

Genesis 27:41

Gayed nebensi si Esau ki Jacob so migtawal-tawal se amay dan amon si Jacob se begayan te Timanem te ontò mèpiya. Minikagi si Esau, “Eked den kenamay matay si Amà, aw penga niyan imetayan ko si Jacob.”

Genesis 4:9

Mig-insà se Timanem diyà ki Cain, “Kenan lay se kedowa no si Abel?” Timaba sikandin, “Inday. Kenà a teletonggò te kedowa ko.”

Genesis 27:40

Keilangan mengabat ka te kelidoan pineokit te pegbolaw nikaw. Meinang ka allang te kedowa nikaw. Meneng aw eked no iyan keteyodi, mekelowà ka lekat te peglowan din.”

Genesis 33:10

Minikagi si Jacob, “Kenà. Aw doen keido no diyà kanak, kinewai bag se ibowang ko diyà kamno. Pegliyag no kanak, iling te liniyagan a te Timanem, so mèpiya den beling se pedowan no diyà kanak.