Genesis 33:20 - Manobo Sarangani

²⁰ Mig-inang si Jacob te sonoganan te ayam-ayam ibegay diyà te Timanem, aw iningedanan din iyan El Elohe Israel (kelebadan niyan, magsen se Timanem egseligan i Israel).

Genesis 33:20 ပူးပေါင်းရင်းမြစ်များ

Genesis 35:7

Mig-inang sikandin te sonoganan te ayam-ayam kidoen, aw iningedanan din se tanà sìyan Timanem te Betel, so migpekità se Timanem diyà kandin kidoen kedengan te pegkadas din lekat te kedowa din.

Genesis 32:28

Minikagi se otaw sìyan, “Lekat seini, eked ka den ingedani ki Jacob, meneng ingedanan ka beling ki Israel (kelebadan niyan, minato diyà te Timanem). So migpeliyangay ka aw Timanem, domaeg ka heman te menge otaw.”

Genesis 21:33

Penga niyan, nenanem si Abraham te kayo tamarisko doton te Berseba, aw migtawal-tawal sikandin diyà te Timanem wedad temanan.

Genesis 13:18

Penga niyan, minalin si Abram, aw mig-ogpà sikandin kidoen medapag te menge olayan i Mamre doton te Hebron, aw mig-inang sikandin te sonoganan te ayam-ayam kidoen amon megsimba sikandin te Timanem.

Genesis 8:20

Penga niyan, miglodok si Noe te menge bato amon meg-inang sikandin te sonoganan te ayam-ayam ibegay diyà te Timanem. Inimetayan din se sebad diyà te tegsebad-sebad kemolò te ayam-ayam aw manok mepakay sonogen aw ibegay diyà te Timanem, aw sinonog din se kedita niyan kidoen.

Juan 4:20

Se menge kemonaan day tege Samarya, yan se migsimba te Timanem dini te bontod seini. Meneng sikiyo menge Judiyo, egtoladà kaw te keilangan megsimba kidon doton te Jerusalem.”

Genesis 33:19

Bineyadan din se tanà sìyan inogpaan din. Sebad gatos plata se kwarta dan selapì se imbayad din kenyan diyà te menge bowad-bowad i Hamor amay i Sikem.

Genesis 34:1

Na, si Dina se batà laga i Jacob aw si Lea. Doen sebad aldaw, miglegeana si Dina doton te menge laga mig-ogpà kidoen.