Genesis 33:11 - Manobo Sarangani

¹¹ Kinewai bag se bowang seini impeibing ko diyà kamno, so mèpiya se tabang te Timanem diyà kanak, aw botong se kedònan ko.” Gayed migleges si Jacob kandin, aw yan kiminawà si Esau kenyan.

Genesis 33:11 ပူးပေါင်းရင်းမြစ်များ

Filipos 4:18

Wedad den kepulukan ko so nekekinawà a den te kwarta impeibing niyo kanak, igsà doen pa samà. Wedad den kepulukan ko so binegayan a den i Epafrodito te impeibing niyo kanak. Iling iyan te metinadeg ipegbegay diyà te Timanem, so kinità din iyan aw neluba sikandin kenyan.

Genesis 33:9

Meneng minikagi si Esau, “Botong den se kanak. Kamno den iyan.”

Genesis 30:43

Pineokit kenyan, ontò migkeyaman si Jacob. Medita se ayam-ayam, allang, kamilo, aw asno tinig-apò din.

1 Timoteo 4:8

Aw megpekagsen kidon te lawa tadon, doen ontong tadon. Meneng labi pa mèpiya se ontong tadon aw megpekagsen kidon tomolò te Timanem, so pineokit kenyan, mèpiya se keogpà tadon dini songkani aw doton heman te langit te modi aldaw.

2 Korinto 6:10

Pengkey medita se kelidoan ko dini te keneyonan seini, meneng gayed doen luba ko lekat ki Cristo. Sagkep a, meneng dakel se ipegkeliwat ko diyà te doma otaw pineokit te pegtoladà ko kandan. Wedad kedònan ko dini te keneyonan, meneng doen dakel ontong intagò kanak doton te langit.

1 Korinto 3:21

Yan keilangan eked niyo duyuni se pegkeotawun niyo tandà te kebiyasa te otaw egtekingan niyo. Eked iyan kepakay, so imbegay te Timanem se kedita dan diyà kenyo.

Luc. 14:23

Minikagi heman se amo din, ‘Doton ka heman te ogpeanan mediyò te lonsod, aw ontò ka ikagi diyà te otaw amon tomanod dan, so ibeg ko mepenò se balay ko te otaw ipekaen ko.

Genesis 33:10

Minikagi si Jacob, “Kenà. Aw doen keido no diyà kanak, kinewai bag se ibowang ko diyà kamno. Pegliyag no kanak, iling te liniyagan a te Timanem, so mèpiya den beling se pedowan no diyà kanak.

Genesis 33:12

Minikagi si Esau, “Na, mesayo kidon den. Domengan a den kenyo.”

Genesis 32:21

Yan impeonà i Jacob se ibowang din, meneng minidegà pa sikandin kidoen.