Genesis 32:4 - Manobo Sarangani

⁴ Migpunù si Jacob diyà kandan, “Keliwati niyo se kagi ko seini diyà te kakay ko si Esau egsegmanen ko. ‘Siaken se sineligan no si Jacob. Mig-ogpà a doton ki Tiyò Laban lamig te peg-olì ko seini.

Genesis 32:4 ပူးပေါင်းရင်းမြစ်များ

1 Pedro 3:6

Iling kenyan se esawa i Abraham gebii si Sara, so timolò sikandin te esawa din, aw impetaga-taga din te si Abraham se pengolo din. Aw meg-iling kaw kandin pineokit te peg-inang niyo te metòlid aw wedad lamit niyo, yan meinang kaw heman iling te batà i Sara.

Luc. 14:11

Aw megpelangkaw-langkaw se otaw, meinang sikandin medanà. Meneng aw megpedanà se otaw te kandin pegkeotawun, meinang sikandin melangkaw.”

Genesis 33:8

Mig-insà si Esau, “Menonen no se medita ayam-ayam nesongonan ko gina? Eden lay se tod no kenyan?” Timaba si Jacob, “Amon keidowan a no peden Akay.”

Genesis 32:18

keilangan tomaba ka diyà kandin, ‘Seini se menge ayam-ayam te sineligan no si Jacob. Impeibing din iyan amon ibowang diyà kamno. Doton pa sikandin te modi.’”

Genesis 32:5

Medita den se baka, asno, karniro, kambing, aw allang tinig-apò ko. Simabi a den kamno Akay, tepad te pegdateng ko, so doen pa besi keido no diyà kanak.’”

Genesis 27:37

Timaba si Isaac, “Migtawal-tawal a amon meinang sikandin pengolo nikaw, aw meinang heman allang din se kedita te kedomaan din. Nemoyò a diyà te Timanem te dakel se geniyen din aw bino din. Atò, wedad den mèpiya pemoyoen ko ibegay te Timanem diyà kamno.”

Genesis 27:29

Ibeg ko medita se pongan meinang sineligan nikaw, aw medita se otaw lomongken diyà kamno. Mengolo ka diyà te kedita te kedomaan nikaw, aw toloen ka te kedita te kedowa nikaw. Ipelumun te Timanem se kedita te otaw megtompuyus kamno, aw mèpiya se ibegay din diyà te kedita te otaw memegay te mèpiya diyà kamno.”

Genesis 23:6

“Sir, penenalan ka den kenami. Netegahan day te dakel ka otaw pinemallì te Timanem. Mepakay diyà kenami aw ilebeng no se esawa no dini te ontò mèpiya lebenganan day. Pengkey eden lebengi se pemellien nikaw, meluba se tig-apò memegay kenyan diyà kamno amon doen lebengan no kandin.”

Genesis 4:7

Aw metòlid se inangen nikaw, yan meluba a kamno. Meneng aw eked ka peg-inang te metòlid, delisegen ka den i Satanas amon meg-inang ka te salà. Dàgen ka peden te peg-inang no te salà, meneng keilangan domaeg ka kenyan.”

Genesis 31:41

Yan se kelimahan ko dalem te kelowan se omay te pegterbaho ko diyà kamno. Sempolò teg epat se omay se pegterbaho ko diyà kamno amon isablag ko te didowa batà nikaw. Enem se omay se pegterbaho ko diyà kamno amon ibayad ko te menge ayam-ayam seini, aw mekesempolò nikaw todai se pakang no tepad te itandan no diyà kanak.

Genesis 25:30

Minikagi sikandin diyà ki Jacob, “Begayi a den te melalag sabaw sìyan, so ontò a binallos.” (Yan se doun te doen doma ngadan i Esau si Edom, kelebadan niyan, melalag.)

Genesis 33:14

Mèpiya beling aw monà ka diyà kenami, aw megpeloway-loway kay tomelokon kamno taman te mebatog te menge ayam-ayam aw batà ko lamig mekesaeb kay kamno doton te Edumea.”

Genesis 36:8

Yan se doun te mig-ogpà si Esau doton te bontod kidoen te Edumea.

Genesis 36:9

Seini se menge bowad-bowad i Esau kemonaan te menge tege Edumea.