Genesis 32:30 - Manobo Sarangani

³⁰ Iningedanan i Jacob se tanà sìyan Peniel (kelebadan niyan, bawa te Timanem), so minikagi sikandin, “Kinità ko den se bawa te Timanem, meneng wedà a kedì kematay.”

Genesis 32:30 ပူးပေါင်းရင်းမြစ်များ

Genesis 16:13

Minikagi si Agar, “Ontò ko den kinità se Timanem kimità kanak, aw wedà a kematay.” Iningedanan din se migpekità diyà kandin “Timanem egpengità.”

Juan 1:18

Wedad palos otaw kimità te Timanem. Meneng se Batà din temisa, yan se migpetaga-taga diyà kenitadon tepad te Amay din, so gayed dan egpedomaay.

Menge Hebreo 11:27

Simalig sikandin diyà te Timanem, aw yan pegkesayo din lekat te Ehipto, wedà sikandin kelemitan te meopal se selotan kandin. Gayed sikandin egsalig diyà te Timanem so iling te egkitaen din se Timanem kenà egkitaen.

2 Timoteo 1:10

Netoman den se ibeg din sìyan, so insogò din den si Jesu Cristo amon megpelowà kenitadon. So neantay sikandin lekat te nematay, wedad den lamit tadon te kemetayun. Pineokit te Mèpiya Indan tepad ki Cristo, netegahan tadon te doen kaling pedowan wedad temanan ipegpemegay din kenitadon.

Efeso 1:17

Egtawal-tawal a diyà te Timanem simogò te Pengolo tadon si Jesu Cristo, aw sikandin se Timanem Amay ipegduyun tadon. Egpemoyò a diyà kandin te tebangan kaw din pineokit te Espiritu Santo, amon megkebiyasa kaw, aw amon metaga-taga kaw heman te Timanem.

Kolasas 1:15

Nayan, si Jesu Cristo se migpekeotaw amon ipekità din kenitadon se kedita tepad te Timanem eked kitai. Ontò melangkaw si Cristo diyà te kedita ininang te Timanem,

Galasya 1:6

Menge kedowa ko, ontò a nepela kenyo, so te wedà pa kenamay, timinàyog kaw den ekon te Timanem timawal kenyo pineokit te tabang i Cristo. Nemenal kaw den ekon te sebad kemolò toladà tepad te kelowaan te otaw.

2 Korinto 4:6

Peg-inang te Timanem te keneyonan, mengitngit aw penga niyan ininang din se kelowahan. Iling kenyan se ininang din kanak, so kedengan, iling te doen kengitngit diyà te pedowan ko, so wedà a kilala ki Jesu Cristo. Meneng linowa din den se pedowan ko amon ipekità din kanak se kelangkaw te Timanem diyà te bawa i Cristo.

2 Korinto 3:18

Wedad den belabag diyà te kedita tadon nemenal ki Cristo. Aw gayed tadon keleseban se kelangkaw te Pengolo, gayed heman elinen te Timanem se pegkesawol tadon, amon kitaen te doma otaw se kelangkaw te Pengolo diyà kenitadon. Yan se eg-inangen te Pengolo, sìyan Espiritu Santo, amon labi kidon pa megkelangkaw iling kandin.

Genesis 28:19

Iningedanan din se tanà sìyan Betel (kelebadan niyan, balay te Timanem). Meneng iningedanan Luz se lonsod kidoen kedengan.

1 Korinto 13:12

Songkani, se pegketaga-taga tadon, yan se iling te bawa kitaen tadon diyà te ispiho eked ontò kebangal. Meneng doen kwani aldaw domateng, bawa i Cristo se ontò tadon kitaen. Pengkey wedà pa kesikop se netegahan ko, meneng domateng kwani se aldaw mesikop se netegahan ko iling te pegketaga-taga te Timanem kanak.

Genesis 35:9

Peg-olì i Jacob lekat te Mesopotamya, todà migpekità se Timanem diyà kandin, aw migpakang sikandin te mèpiya se ibegay din diyà kandin.