Genesis 32:20 - Manobo Sarangani

²⁰ Keilangan mikagi kaw diyà kandin, ‘Doton pa te modi se sineligan no si Jacob.’” Yan se impunù din diyà kandan, so mig-aneng-aneng sikandin, “Pineokit te ibowang ko diyà kandin, megkèpiya se pedowan din diyà kanak. Yan aw megkità kay, pegwedaden din besi se salà ininang ko diyà kandin.”

Genesis 32:20 ပူးပေါင်းရင်းမြစ်များ

2 Timoteo 2:25

Aw megtoladà sikandin te menge otaw kenà egpemenal te kagi din, keilangan mèpiya se pedowan din kandan, so doen besi aldaw ibegay te Timanem kandan amon megselsel dan aw metaga-taga dan te kebenalan.

Genesis 43:11

Minikagi se amay dan, “Aw yan se keilangan inangen, mèpiya aw ibingen niyo heman se menge mèpiya pongo lekat dini amon doen ibowang niyo diyà te gobirnador, deitek alay aw teneb, menge enagay, aw pongo te kayo pistasio aw almendras.

Genesis 32:19

Yan heman se impunù i Jacob diyà te ikedowa aw iketelo te otaw aw diyà te kedita te doma otaw nengibing te menge ayam-ayam. Minikagi sikandin, “Aw komità kaw kandin, keilangan onawa heman se ikegiyen niyo.

Genesis 32:21

Yan impeonà i Jacob se ibowang din, meneng minidegà pa sikandin kidoen.