Genesis 32:10 - Manobo Sarangani

¹⁰ Pelaban dakel se keido no diyà kanak wedad temanan niyan, so ontò a medanà diyà kamno. Kedengan te pegbatas ko te wayeg te Jordan pesalo doton ki Laban, wedad palos inibing ko olò bangkà. Meneng songkani doen den dowa dakel ebong ko seini.

Genesis 32:10 ပူးပေါင်းရင်းမြစ်များ

Genesis 24:27

Minikagi sikandin, “Iduyun se Timanem egseligan te amo ko, so keseligan sikandin, aw tinoman din se pakang din diyà te amo ko. Yan inelladan a din amon mekepantek a doton te balay te menge kedomaan te amo ko.”

1 Pedro 5:5

Sikiyo heman menge kaling otaw, keilangan toloen niyo se menge egpengibing te simbahan. Ikà niyo egpelangkaw-langkaw, meneng keilangan megpedanà se kedita niyo diyà te menge doma niyo, so doen kagi te Timanem insolat te meinang poon te Timanem se otaw egpelangkaw-langkaw, meneng egtebangan din se otaw egpedanà.

2 Korinto 12:11

Siak se iling te otaw wedad inenengen so dimuyun a te kanak pegkeotawun, meneng sikiyo se migleges kanak. Mèpiya pa peden aw sikiyo se domuyun kanak. Pengkey doen menge kelomayan ko, meneng kenà melangkaw diyà kanak se menge otaw doton kenyo eg-ikagi te sikandan se benal sogounun i Cristo.

Luc. 17:10

Iling kaw heman te sineligan sìyan, so penga te pegtolò niyo te kedita te punù te Timanem diyà kenyo, eked kaw pesiontongi, meneng keilangan mikagi kaw diyà kandin, ‘Eked kay nikaw duyuni, so olò day ininang se keilangan toloen day.’”

Luc. 5:8

Si Simon, se doma ngadan din si Pedro, pegkità din kenyan, limongken diyà ki Jesus aw minikagi, “Pengolo, kesayo ka lekat kanak, so nelegeb a te salà.”

Genesis 32:7

Yan nelemitan si Jacob, aw netetana se pedowan din. Tinengà din se otaw timaking kandin, aw tinengà din heman se menge karniro, kambing, baka, aw kamilo din.

Genesis 32:5

Medita den se baka, asno, karniro, kambing, aw allang tinig-apò ko. Simabi a den kamno Akay, tepad te pegdateng ko, so doen pa besi keido no diyà kanak.’”

Genesis 30:43

Pineokit kenyan, ontò migkeyaman si Jacob. Medita se ayam-ayam, allang, kamilo, aw asno tinig-apò din.

Genesis 28:15

Na, domoma a kamno aw meg-ipat a kamno pengkey kenan ka pesalo. Siak se megpeolì kamno dini te tanà seini. Gayed a domoma kamno lamig tomanen ko se kedita te impakang ko diyà kamno.”

Genesis 18:27

Minikagi heman si Abraham, “Sir, pengkey ontò ka melangkaw diyà kanak, meneng pekeleyati se pedowan no diyà kanak te peg-ikagi ko todà diyà kamno.

Genesis 24:12

Penga niyan, migtawal-tawal sikandin, “E Timanem egseligan te amo ko si Abraham, tebangi a den te aldaw seini amon metoman se pakang no diyà te amo ko si Abraham egkeidowan nikaw.

Genesis 28:13

Kinità din heman se Timanem timindeg kidoen, aw minikagi sikandin diyà ki Jacob, “Siak se Timanem gayed egseligan te apò no si Abraham, aw amay no si Isaac. Se tanà seini inibatan nikaw, yan se ibegay ko diyà kamno aw diyà te menge bowad-bowad nikaw.

Genesis 31:3

Minikagi se Timanem diyà ki Jacob, “Olì ka den doton te tanà inogpaan te amay nikaw, apò nikaw, aw menge kedomaan nikaw. Domaan ta sikona.”