Genesis 31:7 - Manobo Sarangani

⁷ Meneng gayed a din beling inekalan, so mekesempolò din todai se pakang din tepad te itandan din diyà kanak. Meneng pineokit te tabang te Timanem kanak, wedà a din peelegi.

Genesis 31:7 ပူးပေါင်းရင်းမြစ်များ

Genesis 31:41

Yan se kelimahan ko dalem te kelowan se omay te pegterbaho ko diyà kamno. Sempolò teg epat se omay se pegterbaho ko diyà kamno amon isablag ko te didowa batà nikaw. Enem se omay se pegterbaho ko diyà kamno amon ibayad ko te menge ayam-ayam seini, aw mekesempolò nikaw todai se pakang no tepad te itandan no diyà kanak.

Genesis 31:29

Pengkey mebatog ko se pegpeeleg kamno, meneng tidelem pinunuan a te Timanem egseligan te amay no te eked kepakay aw megleges a kamno.

Genesis 20:6

Minikagi se Timanem diyà kandin pineokit te tegeinep, “Ee. Netegahan ko te wedad medaet ibeg te pedowan no te peg-inang no kenyan, aw yan se doun te migsagda a kamno amon eked ka peg-inang te salà diyà kanak. Binelebagan ko se pegpedapag no diyà kandin.

Genesis 15:1

Penga niyan, migpekità se Timanem diyà ki Abram, aw minikagi sikandin, “E Abram, ikà egkelemitan. Siak se megkelasag kamno amon eked ka peelegi. Ontò dakel se ontong ibegay ko diyà kamno.”

Genesis 29:25

Pegkeiselem niyan, kinità i Jacob te si Lea se impeipid i Laban diyà kandin, aw yan mig-insà sikandin diyà ki Laban, “Nengà lay mig-inang ka te medaet diyà kanak? Si Raquel se impakang no diyà kanak tepad te terbaho ko. Nengà lay mig-akal ka kanak?”

Genesis 30:28

Pengkey eden se ibeg no itandan ko diyà kamno, yan se ibegay ko diyà kamno.”

Genesis 31:24

Te wedà dan pa pekesaeb kandin, migpekità se Timanem diyà ki Laban te delem pineokit te tegeinep, aw minikagi sikandin, “Peg-ahà ka. Ikà egleges ki Jacob.”