Genesis 31:32 - Manobo Sarangani

³² Meneng aw kitaen no se otaw dini nenakaw te inotaw nikaw, imetayan ko sikandin. Na, megsistigos se menge kedomaan ta. Pemahà ka den. Aw doen kedònan no kitaen no dini, ebati iyan.” Yan se inikagi i Jacob so wedà din ketegahi te si Raquel se nengabat te menge inotaw i Laban.

Genesis 31:32 ပူးပေါင်းရင်းမြစ်များ

Genesis 31:30

Netegahan ko te nesayo ka den so ibeg no molì ka doton te amay nikaw. Meneng nengà lay tinakaw no se menge inotaw lekat te balay ko?”

Genesis 31:23

Yan impetaking din se menge kedomaan din, aw mig-alaw dan kandin. Penga te pito se aldaw, nekesaeb dan kandin doton te bontod te Galaad.

Genesis 31:19

Pegkesayo dan, wedad kidoen si Laban, so dimoton sikandin te menge karniro din impeloyaw amon meglegonting kenyan. Nengabat si Raquel te menge inotaw lekat te balay te amay din.

Genesis 30:33

Te modi aldaw, ketegahan no aw keseligan a aw kenà, so aw tomengteng ka diyà te menge ayam-ayam imbegay no diyà kanak, aw kitaen no se kambing kidoen kenà boling, aw karniro kenà meitem, ketegahan no te tinakaw ko iyan.”

Genesis 19:7

Minikagi sikandin, “Menge sigalak ko, eked iyan kepakay. Ikà niyo eg-inang te medaet sìyan.

Genesis 13:8

Yan minikagi si Abram diyà ki Lot, “Eked a keibeg aw megbolaw ki aw megbolaw heman se menge telediyaga ta, so anak ko sikona.

Genesis 31:31

Timaba si Jacob, “Mig-akal a kamno so nelemitan a. Mig-aneng-aneng a te ewien no se menge esawa ko.

Genesis 31:33

Penga niyan, nengemahà si Laban doton te tolda inogpaan i Jacob, aw tolda inogpaan i Lea, aw tolda te didowa allang bayi, meneng wedad palos kinità din kidoen. Penga niyan, minawop sikandin diyà te tolda inogpaan i Raquel.