Genesis 31:3 - Manobo Sarangani

³ Minikagi se Timanem diyà ki Jacob, “Olì ka den doton te tanà inogpaan te amay nikaw, apò nikaw, aw menge kedomaan nikaw. Domaan ta sikona.”

Genesis 31:3 ပူးပေါင်းရင်းမြစ်များ

Genesis 28:15

Na, domoma a kamno aw meg-ipat a kamno pengkey kenan ka pesalo. Siak se megpeolì kamno dini te tanà seini. Gayed a domoma kamno lamig tomanen ko se kedita te impakang ko diyà kamno.”

Genesis 32:9

Penga niyan, migtawal-tawal si Jacob, “E Timanem egseligan te apò ko si Abraham aw amay ko si Isaac. Pengolo ko, sikona se minikagi diyà kanak te keilangan molì a doton te tanà tinebawan ko aw menge kedomaan ko, aw migpakang ka heman te dakel se ibegay no diyà kanak.

Menge Hebreo 13:5

Ikà niyo egpengewarta. Keilangan meluba kaw te kedònan neabat niyo, so minikagi se Timanem, “Eked a palos tanan kenyo. Eked a palos lowat kenyo.”

Genesis 31:13

Siaken se Timanem migpekità diyà kamno kedengan kidoen te Betel. Kidoen ininang no kekitaan se bato tinoyongan no te lana, aw migpakang ka heman kanak. Na, kesayo ka den lekat te ogpeanan seini, aw olì ka den doton te tanà tinebawan nikaw.’”

Genesis 21:22

Nayan, migpetaking si Abimelec te pengolo te menge sondalo din si Picol, aw dimoton dan ki Abraham. Minikagi si Abimelec, “Netegahan ko te gayed ka egtebangan te Timanem, pengkey eden se inangen nikaw.

Genesis 35:1

Nayan, minikagi se Timanem diyà ki Jacob, “Doton ka den te Betel, aw peg-ogpà ka den kidoen. Peg-inang ka te sonoganan te ayam-ayam kidoen amon megsimba ka kanak, so siak se Timanem migpekità diyà kamno kedengan te pegkadas no lekat te kedowa no si Esau.”

Genesis 31:18

Impeipanaw din se kedita te ayam-ayam din doton te monà, aw inlolan din heman se kedakel te kedònan neabat din kidoen te Mesopotamya. Nesayo sikandin migpesalo doton te tanà te amay din si Isaac kidoen te Canaan.

Genesis 30:25

Penga te pegtebaw i Jose, minikagi si Jacob diyà ki Laban, “Pekeseyowi a lekat dini amon mekeolì a doton te tanà tinebawan ko.

Genesis 28:13

Kinità din heman se Timanem timindeg kidoen, aw minikagi sikandin diyà ki Jacob, “Siak se Timanem gayed egseligan te apò no si Abraham, aw amay no si Isaac. Se tanà seini inibatan nikaw, yan se ibegay ko diyà kamno aw diyà te menge bowad-bowad nikaw.

Genesis 28:4

Ibeg ko, tomanen te Timanem se impakang din diyà ki Abraham amon tig-epoen no sipat te menge bowad-bowad no se tanà seini inogpaan tadon, sìyan tanà impakang din diyà ki Abraham.”

Genesis 26:24

Pegkedelem niyan, migpekità se Timanem diyà kandin, aw minikagi sikandin, “Siaken se Timanem egseligan te amay no si Abraham. Ikà egkelemitan, so egdomaan ta. Mèpiya se ibegay ko diyà kamno, aw inangen ko ontò medita se bowad-bowad nikaw, so yan se impakang ko diyà ki Abraham gayed timolò kanak.”

Genesis 13:15

Se kebelad te tanà kitaen nikaw, yan se ibegay ko diyà kamno aw menge bowad-bowad nikaw te wedad temanan.

Genesis 50:24

Nayan, doen aldaw minikagi si Jose diyà te menge kedowa din, “Agpet den domateng se aldaw te pegkematay ko, meneng metoman kaw gayed ipaten te Timanem, aw ibingen kaw din lekat te ogpeanan seini doton te ogpeanan impakang din diyà te menge kemonaan tadon si Abraham, si Isaac, aw si Jacob.”

Genesis 31:2

Kinità heman i Jacob te deitek den se pedowan i Laban diyà kandin, so kenà den iling te kedakel te pedowan din kedengan.

Genesis 31:4

Yan intogon i Jacob si Raquel aw si Lea te megkità dan kandin doton te tanà tinonggoan din te menge ayam-ayam.

Genesis 35:3

Pegpeketagad kaw den, so domoton kidon te Betel. Meg-inang a te sonoganan te ayam-ayam kidoen amon megsimba a te Timanem. Pegdateng te kelimahan diyà kanak kedengan, tinebangan a din, aw gayed a din egdomaan pengkey kenan a pesalo.”

Genesis 32:5

Medita den se baka, asno, karniro, kambing, aw allang tinig-apò ko. Simabi a den kamno Akay, tepad te pegdateng ko, so doen pa besi keido no diyà kanak.’”

Genesis 32:10

Pelaban dakel se keido no diyà kanak wedad temanan niyan, so ontò a medanà diyà kamno. Kedengan te pegbatas ko te wayeg te Jordan pesalo doton ki Laban, wedad palos inibing ko olò bangkà. Meneng songkani doen den dowa dakel ebong ko seini.